Hantiileyaasha deegaanka ee haysta raasumaal ka badan 18 bilyan birr ayaa la siiyay Laysanka Maalgashiga

Addis Ababa; Naaf/Nahase 2/2017 (ENA): Deegaanka Badhtamaha Itoobiya, waxa laysanka maalgashiga la siiyay 260 hantiileyaal oo raasamaalkoodu ka badan yahay 18.59 bilyan oo birr sanad maaliyadeedkii dhamaaday.

Madaxa xafiiska maalgashiga iyo horumarinta warshadaha ee deegaanka Cabbaas Mohammed (Dr.), ayaa sheegay in waaxyaha laysanka maalgashi la siiyay ay yihiin beeraha, adeegyada iyo warshadaha.

Waxa uu xusay in raasamaalka u diwaangashan mashaariicda bixinta layaanka maalgashiga ay kor u kacday 5.15 bilyan oo birr marka la barbar dhigo sanadkii hore.

Waxa kale oo uu sheegay in marka mashaariicdan maalgashi la hirgeliyo ay fursado shaqo u abuuri doonaan 29,251 muwaadiniin.

Waxa kale oo uu sheegay in 95 mashruuc oo maalgashi oo ay bilaabayaan hantiileyaasha raasmaalkoodu ka badan tahay 15.136 Bilyan ay soo galeen deegaanka, isla markaana ay dalbadeen dhul lagu horumarinayo, maadaama ay buuxiyeen shuruudihii ku haboonaa, isla markaana ay dawladda gobolku go’aansatay in dhulkaas lagu wareejiyo oo laga hirgeliyo.

Sidoo kale waxa uu tilmaamay in dhul ka badan 4,097 hektar loo diyaariyay dhul warshadeed oo laga dhisayo dhamaan gobolada deegaanka.

Waxa uu sheegay in heerar kala duwan laga qaaday 151 mashruuc oo aan sidii la rabay u horumarinin dhulkii ay heleen ee horumarinta maalgashiga mudadii sanadka ahayd.

#Wakaalladda_ Wararka_Itoobiya
#Itoobiya