Tababarka Maareynta Amniga Shabakadda Internet-ka ayaa inaga caawinaya inaan kordhisano aqoonteena tignoolajiyada - ka qeyb galayaasha

Addis Ababa; Naaf/Nahase 2/2017 (ENA): Ka qeyb galayaasha Tababarka ayaa sheegay in Tababarka ay bixinayaan Maamulka Amniga Shabakadda internet-ka uu ka caawiyay in ay kor u qaadaan Aqoontooda dhanka Tignoolajiyada.

Maamulka Amniga Shabakadda Internet-ka ayaa dhalinyarada xirfadda leh u tababaray qeybta tignoolajiyada iyadoo la aasaasay Xarunta Horumarinta Tayada Internetka muddo sanado ah.

ENA oo waraysatay ardaydii hore ee tababarka ku dhameystay xarunta tababar ku saabsan ilaalinta internetka oo wareegyo kala duwan ay ku qaadanayeen, waxaana ay weydiisay heerka ay hadda marayaan.

 

Cusman Belay, oo ah aasaasaha iyo maamulaha tignoolajiyada Welaga, ayaa sheegay in uu ku biiray barnaamijka Xagaaga ee Cyber Talent Camp xagaagii 2013 T.I. 

Waxa uu sheegay in tan iyo yaraantiisii uu jacayl weyn iyo xiise u qabay tignoolajiyada diyaaradaha aan duuliyaha lahayn; laakiin ma uu lahayn aqoon uu ku garto rabitaankiisa.

Waxa uu sheegay in xiligan uu bixinayo diyaarado ganacsi oo buuxiya shuruucda iyo shuruudaha duulimaadyada isagoo kaashanaya aqoontii uu ka helay xarunta. 

Sharon Eshetu, oo tababar ka qaadatay wareegii saddexaad ee barnaamijka Xagaaga ee Cyber Talent, ayaa sheegtay in xaruntu ay siisay tababaro aragtiyeed iyo mid wax ku ool ah oo ku saabsan amniga internetka.

Waxay sheegtay in barnaamijkani uu u oggolaaday inay horumariso xiisaha ay u qabto tignoolajiyada.

 

Mikaa'el Gebrehiwot, oo ah aasaasaha Delta General Business Group, ayaa sheegay in ku biirista xarunta ay u ogolaatay inuu isu geeyo xirfadihiisa kala duwan si uu u bilaabo shirkadiisa.

Waxa uu sheegay in aqoonta uu ka kororsaday xaruntan ay ka qayb qaadatay dadaalka loogu jiro sidii warshaduhu u noqon lahaayeen kuwo casri ah oo ammaan ah.

Barnaamijka Xagaaga ee Afraad ee Cyber Talent ayaa bilaabmay Afagaal/Hamle 25, 2017 T.i. 

#Wakaalladda_ Wararka_Itoobiya
#Itoobiya #Itoobiya