Xiriirka laba geesoodka ah ee Itoobiya iyo Shiinaha ee ganacsiga caalamiga ah ayaa noqonaya mid faa,idooyin badan leh – Madaxweyne Taaye Asqesilaase

Addis Ababa; Naaf/Nahase 2/2017 (ENA): Xiriirka laba geesoodka ah ee Itoobiya iyo Shiinaha ayaa noqonaya mid faa'idooyin badan u leh ganacsiga caalamiga ah ayuu yiri Madaxweyne Taye Atsekeslassie.

Batnaamijka 'China Medical Volunteers Africa Charity Program' ee sannadka 2025 iyo Barnaamijka Daahfurka Ololaha Iskaa wax u qabso ee Caafimaadka Caalamiga ah ayaa laga bilaabay Isbitaalka Guud ee Nifas-Silk.

Madaxweyne Taaye Asqesilaase, Wasiirka Caafimaadka Dr. Meqdhes Dhaaba, iyo Safiirka Shiinaha u fadhiya Itoobiya Jeen Hay ayaa goob joog ka ahaa barnaamijka.

Waxaa la xusay in barnaamijkan lagu bixin doono adeegyo qalliin oo kala duwan oo ay ka mid yihiin qalliinka wadnaha carruurta, qalliinka indhaha iyo qalliinka makaanka.

Waxa kale oo la sheegay in baadhista indhaha iyo wadnaha lagu samayn doono hal dugsi oo dawladeed iyo mid kale oo gaar loo leeyahay.

 

Waxaa sidoo kale la tilmaamay in baaritaanka kansarka ilmo-galeenka lagu sameyn doono haweenka da'doodu tahay 18 iyo wixii ka weyn. 

Madaxweyne Taaye ayaa sidoo kale uga mahadceliyey mutadawiciinta Shiinaha sida ay uga go’an tahay, iyana in caruur badan iyo kuwa u baahan gargaar caafimaad oo dheeri ah ay ku heli doonaan adeegyada barnaamijka faa'idooyin badan.

Waxa uu sheegay in xidhiidhka laba geesoodka ah ee u dhexeeya Itoobiya iyo Shiinaha uu noqday mid wax ku ool ah oo aan ahayn ganacsiga oo kaliya balse sidoo kale uu noqday mid faa'iidooyin dhinacyo badan leh oo caalami ah.

 

Wasiirka caafimaadka Dr. Meqdhes Dhaba ayaa dhankeeda sheegtay in barnaamijkan ay fulinayaan dhakhaatiir iskaa wax u qabso ah oo ku sugan Shiinaha uu ka tarjumayo iskaashiga, wadajirka iyo horumarka soo jireenka ah ee shacabka Shiinaha.

Waxa kale oo ay u mahad celisay dhakhaatiirta iskaa wax u qabso ee ka yimid shiinaha ee ka qayb qaatay hawshan samafalka ah.

 

Dhankiisa Safiirka Shiinaha u fadhiya Itoobiya Jeen Hay waxa uu yidhi; Shiinaha iyo Afrika waa saaxiibo dhow, oo wadaaga taariikh iyo walaaltinimo.

Waxa uu sheegay in Shiinaha iyo Afrika ay noqdeen kuwo isku soo dhawaaday dhanka caafimaadka, isla markaana iskaashigoodu uu galay marxalad cusub.

#Itoobiya
#Wakaalladda_ Wararka_Itoobiya