Shirkadda Korontada Itoobiya ayaa heshay dakhli gaaraya 75.4 bilyan oo birr

Addis Ababa, Naaf/Nahaase 1/2017 (ENA): Shirkadda Korontada Itoobiya ayaa sheegtay inay heshay dakhli dhan 75.4 bilyan oo birr intii lagu guda jiray sannad miisaaniyaddeedkii la soo dhaafay.

Agaasimaha guud ee shirkadda, Inj. Ashebir Baaljaa, ayaa sheegay in dakhligaasi uu ka yimid iibka korontada gudaha dalka iyo adeegyo kale oo la xiriira.

Waxaa la sheegay in 93% korontada la soo saaray lagu iibiyay gudaha dalka, halka 7% loo dhoofiyay dalal shisheeye.

Dakhliga laga helay dhoofinta korontada dibadda ayaa gaaray 338.7 milyan oo doolar, halka gudaha dalka laga helay in ka badan 28 bilyan oo birr.

Shirkaddu waxay sidoo kale sheegtay inay sii wadi doonto horumarinta iyo ballaarinta shaqadeeda dhanka soo saarista korontada.

#Itoobiya 
#Wakaaladda_Wararka_Itoobiya