Itoobiya waxay xoojinaysaa iskaashiga lagu tayeynayo adeegyada caafimaadka—WHO

Addis Ababa, Afagaal/Hamle 28/2017 (ENA): Hay’adda Caafimaadka Adduunka (WHO) ayaa sheegtay in ay sii xoojinayso iskaashiga ay la leedahay Itoobiya si loo xaqiijiyo wax ku oolnimada istiraatijiyadda la adeegsanaayo si loo hubiyo tayada adeegyada caafimaadka ee dalka.

Wakiilka WHO ee Itoobiya, Dr. Owen Kaluwa, oo la hadlay wakaaladda wararka Itoobiya (ENA), ayaa sheegay in WHO ay si dhow ula shaqaynayso Itoobiya oo dadaal badan ugu jirta horumarinta nidaamka adeegyada caafimaadka.

Waxa uu xusay in Itoobiya ay waddo barnaamijyo lagu horumarinayo tayada adeegga caafimaadka, badbaadada bukaannada iyo in adeeggani la gaarsiiyo dhammaan dadka, iyadoo la kaashanayso teknoolojiyadda casriga ah.

Sidoo kale, WHO waxay tilmaantay in adeegsiga teknoolojiyadda iyo hal-abuurka uu ka mid yahay arrimaha mudnaanta la siiyay si loo gaaro yoolalka horumarka waara ee 2030, gaar ahaan in adeegyada caafimaad la gaarsiiyo si siman dhammaan bulshada.

WHO waxay sheegtay in Itoobiya ay ka mid tahay dalalka si firfircoon uga shaqaynaya xaqiijinta adeegyo caafimaad oo loo wada siman yahay iyadoo la adeegsanayo teknoolojiyad iyo hal-abuurnimo, taasoo ay hay’addu la shaqaynayso.

Waxay intaas ku dartay in fursadaha ay keeneen kacaanka afaraad ee teknoolojiyadda, sida hal-abuurnimada, garaadka macmalka ah iyo teknoolojiyado kale, ay Itoobiya iyo WHO ka wada shaqayn doonaan sidii loogu adeegsan lahaa kobcinta adeegyada caafimaadka.

WHO waxay sidoo kale shaacisay in ay garab taagan tahay istiraatijiyadaha ay Itoobiya ku xoojinayso adeegyada caafimaadka, si gaar ahna ay u taageerayso dadaallada la xiriira horumarinta adeegyo caafimaad oo tayo leh, la heli karo, oo badbaado leh.

Ugu dambeyntiina, WHO waxay cadeysay in iskaashigaasi uu gacan ka geysan doono ballaarinta natiijooyinka hal-abuurnimo ee lagu dabaqayo caafimaadka bulshada, iyadoo la aqoonsanayo oo la hirgelinayo hal-abuurka caafimaad ee wax ku oolka ah.

#Itoobiya 
#Wakaaladda_Wararka_Itoobiya