103 Milyan oo geedo ah ayaa Illaa Hadda la beerey

Addis Ababa, Afagaal/Hamle 24/2017 (ENA):  Ololaha sannadlaha ah ee lagu beerayo 700 milyan oo geed ee ka socda guud ahaan Itoobiya ayaa ilaa hadda waxaa la beeray 103 milyan oo geed, sida uu sheegay Wasiiru Dowlaha Adeegga Xidhiidhka Dowladda, Tasfaahun Gobesaay.

Ololaha oo halku-dhiggiisu yahay “Dhir-beeris Dib-u-kabasho ah” ayaa si rasmi ah u billowday 12:00 subaxnimo ee maanta, waxaana laga wado dhammaan deegaannada iyo maamulada magaalooyinka dalka.

Ra’iisul Wasaaraha Itoobiya Dr. Abiy Axmed ayaa ololaha si rasmi ah u daahfuray maanta, iyadoo qorshuhu yahay in la gaadho tirada 700 milyan oo geed, taasoo kor looga qaaday 615 milyan ee horey loo beeri jiray.

Dhammaan bulshada qaybaheeda kala duwan ayaa ka qayb qaadanaya ololaha, iyagoo si firfircoon uga qeyb galaya dhir-beerista meel walba oo dalka ka mid ah.

Qorshahan wuxuu xoojinayaa ka-qaybgalka bulshada iyo wacyigelinta ilaalinta deegaanka si loo gaaro isbeddel waara.

#Itoobiya 
#Wakaaladda_Wararka_Itoobiya