Ololaha raadka cagaaran ee Itoobiya waa guul weyn oo caalamka u muujinaysa in Itoobiya qorsheyaal waaweyn ay qaban karto ayaadoo dadkeeda kaashanaysa – Ra’iisul Wasaare Abiy Axmed (Dr.)

Ra’iisul Wasaare Abiy Axmed (Dr.) ayaa sheegay in ololaha raadka cagaaran  ee Itoobiya, kaasoo loogu magac daray “Dhir-beeris kabasho ah”, uu yahay guul weyn oo dalka u oggolaanaya inuu qorsheyaal waaweyn qabto iyadoo shacabka si wadajir ah uga qaybqaadanayaan, taasina ay tusaale weyn u tahay dunida inteeda kale.

Ra’iisul Wasaaraha ayaa ololaha maanta ka daahfuray magaalada Jimma, kaasoo looga golleeyahay in hal maalin gudahood la beero 700 milyan oo geed. Waxaa la xasuustaa in ololaha raadka cagaaran markii ugu horreysay uu bilaabay bishii 10aad ee 2017, iyadoo halkudheg loiga dhigay "Dhir-beeris soo kabasho leh".

Ra’iisul Wasaare Abiy ayaa xusay in dadaallada cagaarinta ee sanadkan ay noqdeen kuwo aad uga sarreeya qorshaha la dejiyey, isagoo sheegay in xitaa 8 bilyan oo geed la diyaariyey in la beero – tiradan ayaana ka badan tii hore.

Sidoo kale wuxuu sheegay in tirada guud ee geedaha la beeri doono sannadkan iyo sannadka soo socda ay gaari doonto in ka badan 55 bilyan, taasoo uu ku tilmaamay hawl aan hore looga qaban waddan kale oo dunida ah.

Wuxuu intaas ku daray in tani ay tusaale weyn u tahay sida Itoobiya u leedahay awood ay ku mideyso dadkeeda oo ay u fuliso qorshayaal waaweyn oo muhiim u ah deegaanka iyo nolosha bulshada.

Ugu dambeyntii, Ra’iisul Wasaaruhu wuxuu farriin u diray dhammaan muwaadiniinta dalka isagoo ugu baaqay inay si firfircoon uga qaybqaataan ololaha maanta ee ah “hal maalin, 700 milyan geed.” lagu beerayo.

#Itoobiya 
#Wakaaladda_Wararka_Itoobiya
#Raadka_Cagaaran