Ka-qaybgalka shacabka ee shir-beerista waa in lagu xoojiyaa daryeel joogto ah – Mudane Shiimalis Abdhisa - ENA Af-Soomaali
Ka-qaybgalka shacabka ee shir-beerista waa in lagu xoojiyaa daryeel joogto ah – Mudane Shiimalis Abdhisa

Addis Ababa, Afagaal/Hamle 24/2017 (ENA): Madaxweynaha deegaanka Oromiya, Mudane Shiimalis Abdhisa, ayaa muujiyay in dadweynaha deegaanku ay si firfircoon uga qayb qaateen ololeyaasha dhir-beerista, isla markaana ay lagama maarmaan tahay in la sii xoojiyo dadaalkaas iyada oo la adeegsanayo daryeel iyo ilaalin joogto ah.
Mudane Shiimalis ayaa maanta dhir beeray isagoo ka qaybgalaya ololaha "Raadka Cagaaran" ee hal maalin lagu beerayo 700 milyan oo geed, kaasoo ka socda magaalada Jimma.
Wuxuu sheegay in toddobadii sano ee la soo dhaafay, guulo la taaban karo laga gaaray mashruuca cagaarinta dalka heer federaal iyo heer deegaanba.
Mashruucan oo uu bilaabay Ra’iisul Wasaare Dr. Abiy Ahmed, ayaa ku dhiirrigeliyay shacabka deegaanka inay beeraan dhir muhiim u ah deegaanka iyo cunno ammaan, taasoo faa’iidooyin badan u yeelatay bulshada.
Shacabka deegaanka Oromiya ayaa si ballaaran uga qaybgalay ololahan maanta, iyadoo la diyaariyey dhammaan agabyada iyo meelaha lagu tallaalayo dhirta laga bilaabo diyaarinta illaa in la tallaalo dhirta.
Wuxuu sidoo kale xusay in dhirta hore loo tallaalay horeyba looga helay faa’iidooyin badan, isla markaana mashruuca cagaarayntu uu horseeday in dadku ku noqdaan dhaqankii ilaalinta deegaanka iyo dabeecadda.
Gaar ahaan, mashruuca ayaa kor u qaaday wax soo saarka dhanka beeraha, taasoo la rajeynayo in si joogto ah loo sii wado, ayuu yiri Shiimalis Abdhisa.
Wuxuu carabka ku dhuftay in dadaalka shacabka aynan ku ekaan beerida kaliya, balse sidoo kale la tixgeliyo daryeelka dhirta si ay u gaaraan natiijo la taaban karo.
Ugu dambeyntiina, wuxuu xusay in si loo xaqiijiyo natiijo wanaagsan, dhirta la beero loo baahan yahay in si joogto ah loo waraabiyo, laga nadiifiyo qashinka, lagana ilaaliyo cayayaanka labadii todobaadba.
#Itoobiya
#Wakaaladda_Wararka_Itoobiya
#Radaadka_Cagaaran