Shaqada lagu nadiifinayo laguna cagaarinayo magaalada ayaa noqotay mid miro dhasha – Adhaanej Abebe

Addis Ababa, Afagaal/Hamle 24/2017 (ENA): Duqa maamulka magaalada Addis Ababa, Marwo Adhaanej Abebe, ayaa sheegtay in dadaallada lagu nadiifinayo laguna cagaarinayo magaalada ay hadda noqdeen kuwo wax ku ool ah oo guulo laga gaaray.

Ololahan lagu beeraayo 700 milyan oo geed hal maalin gudaheed ayaa maanta laga bilaabay magaalada Addis Ababa, gaar ahaan deegaanka horumarinta ee ku teedsan webiga Ginnfilee, iyadoo ay hormuud ka tahay duqa magaalada.

Adhaanej ayaa xustay in mashruucan cagaarinta lagu hirgaliyay si waafaqsan qorshaha horumarinta wadooyinka, taasina ay wax weyn ka beddeshay bilicda iyo tayada deegaanka ee magaalada.

Sidoo kale waxay sheegtay in magaalada aan keliya lagu dadaalayn qurxinteeda, balse la beerayo geedo miro dhal ah oo wax ka tari kara sugnaanta cunntada iyo kor u qaadidda ilaha dhaqaalaha.

 

Waxaa la tilmaamay in dhirtii hore loo beeri jiray ay kor u qaadeen kaymaha magaalada heer dhan 22%, taasoo muujinaysa horumar muuqda oo la gaaray sanadihii la soo dhaafay.

Adhaanej Abebe iyo xubnaha golaha fulinta magaalada, culimada, macallimiin iyo arday, ciyaartoy, fanaaniin, iyo shacabka magaalada ayaa si firfircoon uga qayb qaadanaya dadaallada beerista geedaha.

Mashruucan ayaa ka soconaya guud ahaan dalka, iyadoo la doonayo in hal maalin gudaheed la beero 700 milyan oo geed.

#Itoobiya 
#Wakaaladda_Wararka_Itoobiya