Ra’iisul Wasaare Dr. Abiy Axmed ayaa ka bilaabay Jimma Ololaha dhir-beerista heer qaran ee “Hal Maalin 700 Milyan Geed”

Addis Ababa, Afagaal/Hamle 24/2017 (ENA): Ra’iisul Wasaaraha Itoobiya Dr. Abiy Axmed ayaa si rasmi ah uga bilaabay magaalada Jimma ololaha beerista geedaha ee hal maalin lagu beeri doono 700 milyan oo geed.

Dr. Abiy ayaa sheegay in mashruucan cagaarinta dalku uu caddeyn u yahay in Itoobiya ay awood u leedahay hirgelinta qorshayaal waaweyn iyadoo shacabkeeda mideysan. Waxa uu xusay in tani ay tusaale wanaagsan u tahay caalamka.

Mashruucan cusub wuxuu qayb ka yahay qorshaha “Cagaarinta Qaranka” ee uu bilaabay Dr. Abiy sanadkan dhamaaday ee 2017, isaga oo tilmaamay in fikradda hogaamineysa ololaha sanadkan ay tahay “Dhir-beeris lagu kobcayo”.

Ra’iisul Wasaaruhu wuxuu sidoo kale sheegay in beerista geedaha sannadkan ay kor u dhaaftay 8 bilyan oo geed, taas oo ka badan tii la qorsheeyay, taasina ay muujinayso sida shacabka Itoobiya u heellan yihiin.

Sannadkan iyo kan soo socda, tirada guud ee la rabo in la beero waxay kor u dhaafi doontaa 55 bilyan oo geed, taasoo noqonaysa rikoodh aan horay loo gaadhin oo caalami ah.

Waxa uu xusay in mashruucani uu fariin weyn u dirayo caalamka, kaasoo muujinaya in Itoobiya ay tahay dal ay shacabku mideysan yihiin oo ku guuleysan kara wax kasta oo ay hiigsadaan.

Ugu dambeyntii, Dr. Abiy Axmed wuxuu ugu baaqay dhammaan shacabka in ay si buuxda uga qayb qaataan ololaha maanta socda ee “Hal Maalin 700 Milyan”, si looga dhabeeyo himilada cagaarinta dalka.

#Itoobiya 
#Wakaaladda_Wararka_Itoobiya
#CagaarintaQaranka