700 oo milyan oo geed ayaa laga beerayaa maanta guud ahaan dalka Itoobiya

Addis Ababa, Afagaal/Hamle 24/2017 (ENA):  Waxaa maanta laga hirgelinayaa guud ahaan dalka Itoobiya olole ballaaran oo lagu beeri doono 700 oo milyan oo geed hal maalin gudaheed, kaasoo qayb ka ah dadaallada cagaarinta dalka.

Ololehan shur-beerista  ee "Hal Maalin 700 Milyan" waxaa si rasmi ah looga bilaabay dhammaan deegaannada iyo maamulada magaalooyinka, iyadoo la xaqiijiyey in diyaar garowgii dhammaan la dhammeystiray.

Ra’iisul Wasaaraha Itoobiya, Abiy Axmed (Dr.), ayaa farriin uu ku daabacay bartiisa baraha bulshada ku sheegay in laga bilaabo 6:00 subaxnimo, shacabka loo baahanyahay inay si wadajir ah uga qayb qaataan beerista geedahan oo ah astaan ka tarjumaysa midnimada, dadaalka iyo kartida dadka Itoobiya.

Isagoo hadalkiisa sii wata ayuu yiri in inkasta oo tiradu badan tahay, haddana waxay muujinaysaa sida Itoobiyaanku uga go’an tahay in ay u shaqeeyaan dalkooda, ayna muujiyaan adkaysi iyo kalsooni buuxda oo ay u hayaan ummadooda.

Ra’iisul Wasaaruhu wuxuu ugu dambeyn ugu baaqay dhammaan shacabka dalka in ay si buuxda uga qayb qaataan hawshan weyn ee qaranka, si ay u muujiso isku duubnida iyo ka shaqaynta mustaqbal cagaaran.

#Itoobiya 
#Wakaaladda_Wararka_Itoobiya