Hawlaha la fuliyey si looga guuro saboolnimada loogana gudbo dhinaca wax-soosaarka waxay gacan ka geysanayaan xaqiijinta ammaanka cunntada— Duqa Magaalada Diri Dhaba - ENA Af-Soomaali
Hawlaha la fuliyey si looga guuro saboolnimada loogana gudbo dhinaca wax-soosaarka waxay gacan ka geysanayaan xaqiijinta ammaanka cunntada— Duqa Magaalada Diri Dhaba
Addis Ababa, Afagaal/Hamle 4/2017 (ENA): Duqa magaalada Diri Dhaba, Khadiir Juhaar, ayaa sheegay in dadaallada la sameeyey si looga guuro saboolnimada looguna gudbo dhinaca wax-soosaarka ay qayb ka yihiin qorshaha lagu xaqiijinayo sugnaanta cunntada.
Waxaa sidoo kale la shaaciyey in in ka badan 400 qoys laga saaray saboolnimada muddadii la soo dhaafay.
Maamulka Magaalada Diri Dhaba ayaa hadda sameynaya qiimeyn ku saabsan waxqabadka xafiisyada iyo waaxyaha kala duwan ee maamulka ee sanad-miisaaniyadeedka 2017-ka.
Intii lagu jiray kormeerkaas, duqa magaalada Khadiir Juhaar ayaa sheegay in adeegyada la hirgeliyey ee lagu wajahayo baahiyaha horumarka bulshada iyo maamulka wanaagsan ay keeneen natiijooyin la taaban karo.
Mashruucyo cusub iyo kuwii hore ee dhismaha kaabeyaasha dhaqaalaha ayaa si tayo leh oo xawli ah loo dhameystiray si loo daboolo baahiyaha bulshada, taas oo la tilmaamay in ay tusaale u tahay adeega iyo maamul wanaagga.
Gaar ahaan, hawlaha kala duwan ee laga hirgeliyey tuulooyinka iyo magaalada gudaheeda ayaa lagu xaqiijinayaa sugnaanta cunntada, taas oo keentay in in ka badan 400 qoys laga saaro saboolnimada iyadoo laga saaray liiska shabakada badbaadada.
Waxaa sidoo kale la xusay in dadaallada maamulka ee lagu horumarinayo wax-soosaarka iyo wax-tarka ay natiijooyin la taaban karo kasoo hoyeen, iyadoo fursado cusub loo abuuro bulshooyinka.
Waxaa la qorsheeyey in horumarkan la sii xoojiyo iyadoo 107 hektar oo dhul ah loo diyaariyey in loo isticmaalo kaydka cuntada xaaladaha degdegga ah.
Duqa magaalada ayaa intaa ku daray in sidoo kale la dhisayo awoodo gudaha ah oo bulshada u suurta-gelin kara inay iska kaashadaan wax-ka-qabashada xaaladaha degdegga ah.
Intii lagu guda jiray sanadkii miisaaniyadeedka la soo gabagabeeyey, bulshada, shaqaalaha iyo hay’adaha iskaashiga la leh ayaa si iskaa wax u qabso ah uga qayb qaatay hawlahaas, iyagoo bixiyey dadaal nooc kasta ah – mid dhaqaale iyo mid naf ahaaneedba.
Kulan-wadaagga qiimeynta waxaa ka qaybgalay masuuliyiinta ugu sarreeya maamulka, madaxda waaxyaha kala duwan, wakiillo ka socday bulshada, iyo la-taliyeyaal kuwaas oo dhammaan si dhow u eegaya warbixinta waxqabadka la soo bandhigay.
#Itoobiya
#Wakaaladda_Wararka_Itoobiya