Sanad miisaaniyadeedkan aan dhamaan, in ka badan $7 bilyan oo faa’iido ah ayaa laga helay ganacsiga soo dejinta iyo dhoofinta

Addis Ababa, Agaali/Sane 12/2017 (ENA): Wasaaradda Ganacsiga iyo Xiriirka Gobalka ee Itoobiya ayaa shaacisay in 11-kii bilood ee la soo dhaafay ee sanad-miisaaniyadeedka 2017, ay dalka soo gashay faa’iido ganacsi oo ka badan 7.21 bilyan oo doolar.

Warbixinta waxqabadka 11-ka bilood ee wasaaradda ayaa laga jeediyay kalfadhiga 38-aad ee Golaha Wakiilada Shacabka.

 

Wasiirka Ganacsiga iyo Xiriirka Gobalka Dr. Kasahun Gofe ayaa sheegay in sanadkan uu dalku gaaray heer taariikhi ah oo ah dakhliga ugu badan ee laga helo ganacsiga wax soo dejinta iyo dhoofinta.

Waxaa uu sheegay in qorshuhu ahaa in la gaaro $4.59 bilyan oo dakhli ah, balse la dhaafay heerkaas, iyadoo la helay in ka badan $7.21 bilyan.

Waxaa sidoo kale la filayaa in dhammaadka sanad-miisaaniyadeedka dakhliga ganacsiga dalka uu kor u dhaafo $8 bilyan.

 

Marka loo eego sanad miisaaniyadeedkii hore ee 2016, faa’iidada ganacsiga ayaa koror ka muujisay in ka badan $3.96 bilyan.

Wasiirka ayaa tilmaamay in horumarkan uu kamid yahay guulaha la taaban karo ee laga gaaray dib-u-habeynta dhaqaale ee heer qaran, gaar ahaan dhinaca ganacsiga wax iibsiga iyo iibgeynta.

Waxaa uu sheegay in kororka dakhligaasi uu ku yimid abuurista jawi ku habboon ganacsiga, xallinta caqabadaha sharci iyo nidaam, iyo wada-shaqeynta wanaagsan ee lala yeeshay ganacsatada iyo daneeyayaasha kale.

#Wakaaladda_Wararka_Itoobiya
#Itoobiya