Ciidanka ka hortagga fallaagooyinka nooc kasta oo ay yihiin ayaa la dhisay – Fild Maarshaal Birhaanu Julaa

Addis Ababa, Agaali/Sane 4/2017 (ENA): Ciidan ka hortagi kara weerarrada dhulka iyo badda ka yimaada ayaa la dhisay, sida uu sheegay Taliyaha guud ee Ciidanka Difaaca Itoobiya, Fild Maarshaal Birhaanu Julaa.

Waxaa la horkeenay Guddiga Joogtada ah ee Arrimaha Dibadda iyo Nabadda ee Golaha Wakiillada Shacabka warbixinta waxqabadka 10ka bilood ee miisaaniyadda sanadkan 2017 ee Wasaaradda Difaaca.

 

Fild Maarshaal Birhaanu Julaa ayaa sheegay in ciidanka difaacu uu si xooggan uga shaqeynayo xaqiijinta nabadda iyo amniga waara ee Geeska Afrika.

Wuxuu intaas ku daray in Itoobiya ay dadaal xoog leh ugu jirto sidii ay marin badeed u heli lahayd, iyada oo si wadajir ah ula shaqeyneysa dalalka deriska ah, arrintaasina ay tahay mid muhiim u ah mustaqbalka waddanka.

Wuxuu sidoo kale tilmaamay in ciidanka uu yahay mid awood u leh ka hortagga weerarro ka yimaada dhanka dhulka iyo badda, isla markaana difaaci kara madax-bannaanida qaranka.

 

Wasiirka Difaaca Itoobiya Inj. Caasha Maxamed ayaa dhankeeda sheegtay in kor loo qaaday awoodda fulinta ee wasaaradda, ayna si adag uga shaqeynayaan ilaalinta dalkooda iyo dadkooda ka dhan ah hanjabaad kasta oo uga timaada gudaha ama dibadda.

Ugu dambayntii, Waxay intaas ku dartay in la billaabay bixinta garsoor caddaalad ah oo xor ah oo ciidanimo leh, isla markaana lagu guuleystay in la dhammaystiro kartida saadka ee ciidamada.

#Itoobiya  #Wakaaladda_Wararka_Itoobiya #Ciidanka_Difaaca