Taanaanesh 2 oo ah doon cusub ayaa soo gaadhay Magaalada Adhaama

Addis Ababa, Agaali/Sane 2/2017 (ENA): Doonida Taananesh 2 ayaa si rasmi ah u soo gaadhay magaalada Adhaama.

Markii ay doonta Taanaanesh 2 soo gaadhay Adhaama, waxaa si diiran u soo dhoweeyey shacabka magaalada iyo masuuliyiinta heer federaal iyo kuwa deegaanka.

Doonidan oo kasoo baxday Dekedda Dooraale ee dalka Jabuuti Maarso 30-keedii, ayaa safarkeeda ku bilaabatay iyadoo soo maraysay dhul adag muddo laba bilood ah oo ay si taxaddar leh u socotay.

Tan iyo markii ay Itoobiya soo gashay bishii May 15 waxay ku sugneyd deegaanka Canfarta muddo ku dhow bil, iyadoo maraysay magaalooyin kala duwan.

Maanta, doonidan waxay si rasmi ah u soo gaadhay magaalada Adhaama.

Doonidan waa mid gaar ah marka la eego dhismaheeda iyo tayadeeda, waxayna leedahay muhiimad ka weyn doonta caadiga ah, iyadoo astaan u ah horumarka Itoobiya.

Taanaanesh 2 waxay leedahay culeys dhan 150 metric ton, dhererkeeduna waa 38 mitir, waxayna qaadi kartaa ilaa 188 qof.

Waxaa la filayaa in markabkani marka uu si rasmi ah u bilaabo shaqadiisa uu door weyn ka ciyaaro gaadiidka biyaha, dalxiiska biyaha, iyo adeegyada martigelinta biyaha, taasoo wax weyn ku soo kordhin doonta horumarka dalka.

#Itoobiya 
#Wakaaladda_Wararka_Itoobiya