Waxaan ku jirnaa xilli aan doonayno inaan u beddelno awoodda horumarineed ee Afrika oo aan ka dhigno mid miro-dhal ah, annagoo xoojinayna dhaqamada waara ee beeraha, horumarinta tiknoolojiyadda, iyo suurtagalnimada suuq-geynta beeraleyda.

Waxaan ka qeybgalnay shirkii labaad ee Braasil–Afrika ee ku saabsanaa sugnaanta cuntada, ka hortagga macaluusha, iyo horumarinta miyiga, kaas oo ka dhacay dalka Braasiil.

Ka qeybgalkeennu shirkan muhiimka ah oo faa’iido weyn u leh qaybta dhaqaalaha beeraha, wuxuu noo suurtageliyay inaan la yeelano wadahadallo dhinacyo badan leh, gaar ahaan la taliyaha Madaxweynaha Braasiil iyo Wasiirka Warshadaha iyo Horumarinta, Geraldo Alkamin.

Madaxweyne ku xigeenka Braasiil wuxuu si weyn u bogaadiyay kobaca dhaqaalaha Itoobiya iyo sida loo dardar-geliyay wax soo saarka gudaha dalka. Intaa waxaa dheer, labada dal waxay horey uga wada shaqeeyeen mashaariic dhowr ah oo iskaashi ah. Sidoo kale, wuxuu muujiyay xiisaha ballaaran ee dalkooda uu u qabo inuu la shaqeeyo Itoobiya, gaar ahaan qeybta duulista hawada ee casriga ah ee Itoobiya ay caanka ku tahay.

 

Itoobiya iyo Braasiil waxay horey heshiis uga galeen iskaashi ku saabsan beeraha, maaraynta iyo ka faa’iidaysiga keymaha, iyo mashaariic la xiriira isticmaalka ciidda aysiidhka leh.

Intii uu socday wadahadalkeenna, waxaan si gaar ah diiradda u saarnay sidii aan u xoojin lahayn iskaashiga istaraatiijiga ah, gaar ahaan dhinacyada beeraha, horumarka waara, ganacsiga, iyo maalgashiga.

Ugu dambeyntiina, waxaan la isla meel dhignay madaxweyne ku xigeen Geraaldo Alkamin sidii aan u horumarin lahayn mashaariicda wadajirka ah ee hore u socday iyo kuwa cusub oo isbeddel degdeg ah keeni kara, anagoo adeegsanayna iskaashi dhinacyo badan leh.

Ra`iisul Wasaare Kuxigeen Tamasgan Tirunah