Addis Tomorrow – Aag Dhaqaale oo Gaar ah ayaa heshiis la saxiixday shan dal iyo hay’ado caalami ah

Addis Ababa, Miicaad/ Ginboot 8/2017 (ENA): Aagga Dhaqaalaha ee Gaarka ah ee “Addis Tomorrow” ayaa bilaabay hawlaha dhismaha marxaladiisa koowaad, isagoo hirgelinaya adeegyo muhiim ah oo lagu salaynayo qorshaha shaqo.

Aaggan dhaqaale ee gaar ah ayaa heshiisyo la galay shan dal iyo hay’ado caalami ah oo muujiyey xiisahooda iyo diyaar u ahaanshahooda in ay ka qaybqaataan horumarinta Addis Tomorrow.

Mashruucan oo lagu fulinayo iskaashi dowladda iyo ganacsatada gaarka loo leeyahay ayaa bilaabay iibinta dhismayaasha guryaha la dego (apartment-yada). Intaa waxaa dheer, waxaa la dhisayaa guryo iyo xarumo ganacsi oo ku fidsan dhul cabbirkiisu dhan yahay 45,000 mitir oo laba jibbaaran, waxaana uu ka mid yahay marxaladda koowaad ee dhismaha.

 

Addis Tomorrow waxa uu lagu tilmaamay inuu Addis Ababa siinayo muuqaal cusub, korna u qaadi doono tartankeeda caalamiga ah, isagoo sidoo kale noqon doona il cusub oo soo jiidasho iyo bilic ah.

Aagga Dhaqaalaha ee Gaar ah ee Addis Tomorrow oo laga dhisayo agagaarka Goterra ee magaalada Addis Ababa ayaa la filayaa in marxaladda koowaad lagu soo gabagabeeyo bisha Tahsas ee sanadka soo socda.

Ra’iisul Wasaaraha Itoobiya, Dr. Abiy Ahmed, ayaa si rasmi ah u dhagax-dhigay dhismaha Addis Tomorrow 6-da bisha 12aad, 2016T.I.