Tignoolajiyada dhijitaalka ah ayaa door wax ku ool ah ka ciyaaraysa kordhinta awoodda ururinta dakhliga – Wasaaradda Dakhliga

Addis Ababa; Miicaad/Ginbood 6/2017 (ENA): Wasaaradda Dakhliga ayaa sheegay in tignoolajiyada dhijitaalka ahi ay door wax ku ool ah ka qaadanayso kordhinta awoodda dakhliga iyadoo la hagaajinayo adeeg bixinta.

Dawladdu waxay fulinaysaa tillaabooyin si ay uga caawiso hay'adaha inay dhisaan tignoolajiyada dhijitaalka ah iyo hagaajinta adeegyadooda.

Xogtu waxay tilmaamaysaa in hay'ado badan ay isticmaalayaan tignoolajiyada dhijitaalka ah si ay u hagaajiyaa adeegyadooda oo uga dhigaan kuwo degdeg ah oo hufan.

Hay’adahaas waxaa kamida Wasaaradda Dakhliga. Sida uu sheegay Agaasimaha Xidhiidhka, Horumarinta Tignoolajiyada iyo Maaraynta ee Wasaaradda Dakhliga, Kuratu Lemma,ayaa sheegay in wasaaraddu ay hirgelinayso habab tignoolajiyadeed oo kordhinaya awoodda ururinta cashuuraha dakhliga.

‘’Tani waxay awood u siinaysaa waaxdu inay ku talaabsato natiijooyinka iyadoo la hagaajinayo adeeg bixinta’’, ayuu yidhi.

Nidaamyada la hirgaliyay Wuxuu soo qaatay natiijada ka soo baxday hirgelinta tignoolajiyada iyo nidaamka canshuuraha dakhliga elektaroonigga ah si looga hortago falalka sharci darrada ah.
Sidoo kale waxa uu sheegay in ay u fududaatay cashuur bixiyayaasha meel kasta oo ay joogaan.

Waxa uu tilmaamay in teknolojiyadda ay hadda ay awood u siisay boqolkiiba 95 canshuur bixiyayaasha dowladda faderaalka in ay si casri ah oo hufan u bixiyaan canshuuraha.

Wuxuu sharaxay in lagu dadaalayo in si buuxda loo dhaqan geliyo habka dakhli ururinta iyadoo loo marayo nidaamka teknoolajiyada casriga ah iyadoo lala kaashanayo dhinacyada iyo horumarinta tignoolajiyada.

Cashuur bixiyayaasha oo ay wareysatay ENA ayaa dhankooda sheegay in nidaamkii hore ee canshuur aruurinta uusan ahayn mid si gaar ah ugu haboon canshuur bixiyayaasha.

 

Ashenafi Alemu ayaa sheegay in nidaamkii hore ee canshuur uruurinta uu ahaa mid aan ku habooneyn ganacsiga oo culeys badan iyo qarash badan uu ku baxayay.

Waxa uu ku micneeyay in nidaamka hadda lagu bixiyo canshuuraha uu yahay mid casri ah uu u sahlay in ay bixiyaan cashuuraha.

 

Cashuur bixiye kale oo lagu magacaabo Alemayehu Teklemariam ayaa isna sheegay in casriyaynta nidaamka cashuur ururinta ay tahay mid baraarujin u ah cashuur bixiyayaasha.

 

Sidoo kale Dr. Fikadu Driba oo ka hadlay arrimahan ayaa sheegay in hannaanka bixinta canshuuraha lagu sameeyay bixiyaan adeeg degdeg ah oo hufan. Waxa uu sheegay in taasi ay u sahashay canshuur bixiyayaasha in ay ku bixiyaan canshuuraha waqtigii loogu talagalay.

#Wakaalladda Wararka_Itoobiya
#ENA