Midowga Afrika ayaa cunaqabatayntii saarnayd ka qaaday dalka Gabon

Addis Ababa, Duugato/ Miyaasiya 22/2017 (ENA): Midowga Afrika ayaa maanta shaaciyey inuu qaaday xayiraaddii saarnayd Gabon kadib afgambigii milatari ee dhacay bisha Agoosto 2023, taas oo keentay in laga saaro xubinnimadii midowga.

Sida ku xusan xeer-hoosaadka Midowga Afrika, isbeddel kasta oo dowladeed oo ka baxsan nidaamka dastuuriga ah lama aqbalo, sidaas darteedna Gabon ayaa markaas laga joojiyey xubinnimada midowga.

 

Midowga wuxuu ku baaqay in dalkaas lagu qabto doorasho xor iyo xalaal ah oo nabdoon, caddaalad ah, daahfuran, isla markaana kalsoonida shacabka leh si dowladda ay u dhismaan shacabka.

Gabon ayaa bishii ay joogeen kormeerayaal ka socday Midowga Afrika qabatay doorasho madaxtinimo.

 

Kadib doorashadaas dimoqraadiyadeed, Golaha Nabadda iyo Amniga ee Midowga Afrika ayaa maanta ku dhawaaqay in laga qaaday xayiraaddii saarnayd Gabon, sida lagu shaaciyey barta ay ku leedahay baraha bulshada.

Doorashadaasi waxaa ku guuleystay Brice Oligui Nguema oo 50 jir ah, waxaana lagu sheegay inuu helay in ka badan 94 boqolkiiba codadka.