Itoobiya ayaa sheegtay inay ka shaqayn doonto xoojinta iskaashiga laba geesoodka ah ee dhinacyada badan ay la leedahay Brasiil iyo Ruushka

Addis Ababa ; Duugato/Miyaaziya 21/2017 (ENA): Itoobiya ayaa ku dhawaaqday inay ka go'an tahay xoojinta iskaashiga laba geesoodka ah iyo kuwa badan ee Brasiil iyo Ruushka.  

Shirkii ugu horreeyay ee Wasiirada Arrimaha Dibadda ee BRICS ee 2025 ayaa lagu qabtay Riyo de Janeiro, Brasiil. Itoobiya ayaa ka qeyb galaysa shirka Wasiirada Arrimaha Dibadda. 

 

Wasiirka arrimaha dibadda Gedhiyoon Timotiwos (Dr.) ayaa wadahadallo la yeeshay wasiirka arrimaha dibadda Brasiil Mawuro Vieira iyo wasiirka arrimaha dibadda ee Ruushka Sergey Lavrov oo kulanka ka qeyb galay.

Wadahadalkii ay la yeesheen Vieira, waxay ku ammaaneen shaqada wanaagsan ee Brasiil ay qabatay markii ay ahayd madaxweynaha BRICS 2025 waxayna tilmaameen in Itoobiya ay taageeri doonto mudnaanta Brasiil. 

Intii ay socdeen wada hadalkooda, labada dhinac waxa ay sidoo kale ka wadahadleen dhinacyada ay dalalku isaga kaashan karaan sugidda sugnaanta cuntada, wax soo saarka beeraha, dib-u-habaynta hay’adaha dawladda ee caalamka, isbeddelka tamarta, iyo barnaamijyada horumarinta kaymaha.

 

Wasiir Mawuro ayaa uga mahadceliyey Itoobiya taageerada ay la garab taagan tahay, isagoo hoosta ka xarriiqay hindisayaashii ay Brazil fulisay muddadii ay hoggaanka u haysay G-20 ee sannadka 2024-ka. 

Wuxuu tusaale u soo qaatay shaqada ay Itoobiya qabato maadaama ay xubin sare ka tahay Isbaheysiga Caalamiga ah ee ka hortagga gaajada iyo faqriga.

Dhinaca kale, wasiirka arrimaha dibadda Dr. Gedhiyoon waxa uu sheegay mar uu la kulmay wasiirka arrimaha dibadda ee Ruushka Sergey Lavrov in iskaashiga dhammaystiran ee ka dhexeeya Itoobiya iyo Ruushku uu sii xoogaysanayo, waxaanu ku nuuxnuuxsaday in loo baahan yahay in xidhiidhka la gaadhsiiyo meel sare. 

 

Sergey Lavrov, ayaa dhankiisa muujiyay sida ay uga go’an tahay Ruushka inay sii xoojiyaan xidhiidhka taariikhiga ah ee ay la leeyihiin Itoobiya iyada oo loo marayo fursado iskaashi oo laba geesood ah iyo kuwo dhinacyo badan leh. 

Dr. Gedhiyoon ayaa wada-hadallo laba geesood ah la yeelan doona dhiggiisa dalalka xubnaha ka ah BRICS, sida lagu sheegay xog ka soo baxday Wasaaradda Arrimaha Dibadda.