Ciidanka Qaran oo leh xirfad adag, Wadaniyad, iyo hadaf cad ayaa la dhisay – Fildh Maarshaal Birhaanu Julaa

Addis Ababa, Duugato/ Miyaasiya 18/2017 (ENA): Fildh Maarshaal Birhaanu Julaa, oo ah Taliyaha Ciidamada Difaaca Itoobiya, ayaa sheegay in la dhisay ciidan qaran oo xirfad leh, fahamsan hadafka uu u taagan yahay, kana buuxo jaceylka dalka.

Fildh Maarshaal Birhaanu Jula ayaa kulan la yeeshay saraakiisha sare ee ciidanka.

Intii uu socday kulanka, wuxuu sheegay in mar kasta dib-u-eegis lagu sameeyo naftooda, si ay ugu koraan dhinaca xirfadda, loogana dhiso ciidan si buuxda u fahamsan hadafka qaranka, isla markaana xirfad leh.

Wuxuu xusay in isbeddelka guud ee dalka ka dhacay uu horseeday dib-u-habeyn weyn oo lagu sameeyay ciidanka, taasoo keentay in guulo badan la gaadho, isla markaana xaalad wanaagsan oo shaqo la abuuro.

Fildh Maarshaal Birhaanu Julaa wuxuu sheegay in Itoobiya aysan abid lahayn ciidan tiro iyo tayo intan le'eg leh. Wuxuu intaa ku daray in la dhisay awood ciidan oo yareyn karta khasaaraha isla markaana difaaci karta dalka.

Ciidanka wuxuu door mug leh ka qaatay difaaca dalka, ilaalinta nabadda, horumarka, iyo dimoqraadiyadda, waxaana guulaha ay gaareen ay xusi doonaan taariikhda.

 

Waxaa la xaqiijiyay in dadaalka lagu horumarinayo labada dhinac ee awoodda ciidanka uu si xoojin ah u socdo si loo gaaro guulo ka sii badan kuwii hore.

Fildh Maarshaal Birhaanu Julaa wuxuu sheegay in kumannaan dagaalyahano oo markii hore qaaday jid qaldan ay hadda gacanta u saareen ciidanka iyaga oo raacay jidka nabadda.

Wuxuu intaa ku daray in xoogagga hubeysan ee ku firirsanaa meelo kala duwan la jabiyay si aan hore loo arag, isla markaana dagaalka lagula jiro kuwa diiday nabadda uu sii socon doono ilaa la dabargooyo.

Inkasta oo cadowga shacabka iyo dalka ay adeegsadeen been abuur iyo dagaal nafsiyeed si ay u dhaawacaan sumcadda ciidanka, shacabka ayaa si xooggan u taageeraya ciidanka qaranka.

Waxaa sidoo kale la sheegay in ciidanka Itoobiya uu maanta gaadhay heer teknooloji iyo awood dagaal oo casri ah, isagoo si wanaagsan uga diyaarsan dhinacyada dhulka, badda, cirka, iyo weerarada cyber-ka.

Ugu dambaynrii, Fildh Maarshaal Birhaanu Julaa wuxuu carabka ku adkeeyay in diyaar la yahay ciidan awood u leh in uu si degdeg ah oo khasaare yar ku burburiyo cadow kasta oo isku dayaya inuu dagaal qaldo abuuro.