In ka badan 100 shirkadood ayaa ka qaybgalay Madasha Ganacsiga Itoobiya iyo Pakistan

Addis Ababa, Duugato/ Miyaasiya 8/2017 (ENA): Madashan ganacsi oo lagu qabtay magaalada Rawalbindi, ayaa waxaa si wadajir ah u soo qabanqaabiyey Safaaradda Itoobiya ee Pakistan, Wasaaradda Ganacsiga Pakistan iyo hay’ado kale, iyadoo ay ka qayb galeen in ka badan 100 shirkadood.

Madashan ayaa loogu gogol xaarayey sidii ganacsatada Pakistan ay uga qaybqaadan lahaayeen Bandhigga Agabka ee Pakistan oo lagu qaban doono magaalada Addis Ababa bisha May, iyo Madasha Caalamiga ah ee Maalgashiga Itoobiya oo sidoo kale lagu qaban doono caasimadda.

War kasoo baxay safaaradda Itoobiya ayaa sheegay in fursaduhu aysan ku koobnayn Itoobiya oo keliya, balse ay fursado badan u abuuri doonaan iskaashi dhexmara Pakistan iyo waddamada kale ee Afrika ee hodanka ku ah kheyraadka dabiiciga ah iyo shaqaale tayo leh.

 

Safiirka Itoobiya ufadhiya Pakistan, Dr. Jamaal Bakar Cabdula, ayaa ugu baaqay shirkadaha Pakistan inay ka faa’iidaystaan fursadaha ganacsi, maalgashi iyo dalxiis ee Itoobiya ka jira.

Danjiruhu wuxuu xusay in Itoobiya ay leedahay 98% quwad nadiif ah oo cagaaran, shaqaale xirfad leh, iyo siyaasad dhiirrigelisa maalgeshiga, taas oo ka dhigaysa meel la doorbido oo la maalgashado.

Ugu dambayntii, waxaa la filayaa in wufuud sare oo ka socota Pakistan ay ka qaybqaataan madasha Addis Ababa ka dhici doonta si ay ula falgalaan fursadaha ganacsi iyo maalgashi ee Itoobiya.