Dugsiga Tababarka Ciiddanka ee Hurso ayaa waxaa ka qalinjabinaya Xubno Ciidan oo loo Tababaray Nabad Ilaalinta

Diridhaba, Cuur/Megabit 9, 2017 (ENA): Dugsiga tababarka ciidanka ee Hurso, ee hoos taga Ciidanka Difaaca Qaranka Itoobiya (ENDF), ayaa tababar u soo xidhay xubnaha ciiddanka ee loo tababaray howlgallada nabad ilaalinta.

Xubnaha ciiddanka ee ka qalin-jebinaya dugsiga ayaa ka tirsan guutooyinka 20-aad iyo 21-aad. 

 

Taliyaha dhismaha anshaxa ee Xarunta Tababarka Ciidanka ee Hurso, Kornayl Belay Hiruy, ayaa u sheegay Wakaaladda Wararka Itoobiya (ENA) in askarta tababarka dhamaysatay loo diyaariyay howlgalkla nabad ilaalinta ah ee ay ka fulin doonaan dibadda.

 

Wuxuu xusay in ciidanku markasta ay kor u qaadayaan xirfaddooda, kalsoonida shacabka iyo aqbalaadda ay bulshada ku dhex leeyihiin.

Munaasabada qalin-jebinta waxaa kasoo qaybgalay madax sare oo ay ka mid yihiin Taliyaha Guud ee Injineerinka Difaaca, Janaraal Desta Abije, Taliyaha Xarunta Nabad illaalinta Ciidanka, Majar Janaraal Adamneh Mengiste, iyo saraakiil kale oo sare.

#Ethiopian_News_Agency
#ENA #Ethiopia