Xisbiga Barwaaqo ayaa sheegay inuu si cadaalad ah u hirgaliyay nidaam siyaasadeed loo dhan yahay si simana looga faa’iidooyinsanayo

Addis Ababa, Dharrabley/Tir 22/2017 (ENA): Hoggaamiyeyaasha Xisbiga Barwaaqo ayaa caddeeyey in xisbiga uu hirgeliyey nidaam cadaalad ah oo dhammaan dadka si siman u wadaaga, islamarkaana xaqiijinaya faa’iido wadajir ah.

Shirweynaha labaad ee caadiga ah ee xisbiga Barwaaqo ayaa ka dhici doona Addis Ababa laga bilaabo bisha Dharabley/Tir 23 ilaa 25, sanadkii 2017.

Shirkii koowaad ee xisbiga waxaa lagu xasuustaa in la ballanqaaday dadaallo lagu xaqiijinayo nabadda waarta, horumarka iyo kobaca Itoobiya.

Waxaa la meel mariyey go’aamo lagu xoojinayo horumarka xisbiga iyo xaqiijinta laba dhinac oo faa’iido wada leh, taasoo xisbiga ka dhigtay mid si dhab ah u fulinaya qorshihiisa.

Dadaalkan is biirsaday ayaa sabab u noqday in Xisbiga Barwaaqo uu si dhab ah u hirgeliyo nidaam si siman u wadaaga faa’iidooyinka, taasoo ay hoggaamiyeyaasha iyo xubnaha xisbiga ku tilmaameen guul la gaaray.

 

Dr. Sahelu, oo ah ku-xigeenka madaxweynaha, ahna madaxa kobcinta dhaqaalaha miyiga ahna madaxa xafiiska beeraha, ayaa sheegay in dowladda ay qaaday tallaabooyin badan oo lagu xaqiijinayo Barwaaqada iyo nabadda waarta.

Wuxuu tilmaamay in, marka laga soo tago ballaarinta dimuqraadiyadda, la wado wadahadallo ballaaran oo lala yeesho bulshada, lana aas-aasayo guddiga wadatashiga qaranka si wadahadalladu uga dhacaan dalka oo dhan, loona xoojiyo dhaqanka wadahadalka.

 

Danjire Jamaal Bakar (PhD) oo ah Safiirka Itoobiya u fadhiya Pakistan, ayaa sheegay in xisbiga uu si wax ku ool ah u fulinayo yoolkii iyo qorshayaashii uu dejiyey shirkiisii koowaad.

Wuxuu xusay in, marka laga reebo xaqiijinta isbeddelka, la qabtay dadaallo badan oo lagu hubinayo faa’iido wadaagga shacabka, taasoo muujinaysa in dalka la dhisayo iyada oo laga duulayo midnimo iyo wadajir.

Waxaa kale oo uu carrabka ku adkeeyey in Itoobiya ay samaynayso dadaallo muujinaya saameynta iyo doorka ay ku leedahay gobolka iyo caalamka.

 

Dr. Gatluwak Ron, oo ah ku-xigeenka madaxweynaha deegaanka Gambella ahna madaxa xafiiska horumarinta magaalooyinka iyo kaabeyaasha dhaqaalaha, ayaa xusay in Xisbiga Barwaaqo uu xaqiijinayo xuquuq siman oo qof kasta uu ka qayb qaadan karo.

Wuxuu intaa ku daray in la sameeyey dadaallo dhab ah oo lagu xaqiijinayo isku-dhafka iyo kala-duwanaanshaha bulshada.

 

Iftu Axmed, oo ah madaxa xafiiska haweenka ee xisbiga Barwaaqo ee magaalada Diri Dhaba, ayaa sheegtay in shirkii labaad ee xisbiga lagu dejin doono go’aamo iyo jihayn cusub oo lagu xaqiijinayo waxqabadka la bilaabay.

#Itoobiya
#Wakaaladda_Wararka_Itoobiya