In nabadgalyada dadka la khalkhalgaliyo mooyee, wax kale oo laga helayaa majirto in qori la wato oo la dagaalamo, sidaas darteed waxaan qaadanay baaqii nabaddeed- Jabhadda Xorriyadda Oromada

Nageele Booranaa, Xorrey/Tahsaas 14/2017 (ENA): Jabhadda Xorriyadda Oromada ee ka hawlgeli jiray gobolka bari ee Boorana ayaa sheegay in aysan jirin isbeddel dhab ah oo lagu gaari karo rabshado iyo dagaal, in bulshada la dhibaateeyo ma ahane. Waxay ku dhawaaqeen inay qaateen baaqii nabaddeed ee dowladda si ay bulshada gobolka ugu noolaadaan nolol nabdoon.

Magaalada Nageele Boorana, xubnaha Jabhada Xorriyadda Oromada waxaa ku soo dhoweeyay odayaasha dhaqanka, culimada, iyo waxgaradka deegaanka.

 

Hogaamiyaha kooxda, Daawa Genaale, ayaa sheegay in tallaabadan ay u qaadeen si ay u xaqiijiyaan in bulshada gobolka ay ku noolaato nolol nabdoon. Wuxuu intaas ku daray in dadka deegaanka ay la kulmeen dhibaatooyin badan sannadihii lasoo dhaafay, sababtoo ah rabshadaha ka jiray gobolka awgeed 

Xubin kale oo kooxda ka mid ah, Daawud Roba Nuura, ayaa sidoo kale sheegay in gobolka Boorana Bari iyo agagaarkiisa aysan jirin isbeddel dhici kara marka laga reebo dhibaatada nabadda ka soo horjeedda. Wuxuu tilmaamay in nabadda ay tahay xal wadajir ah oo faa’iido u leh dhammaan dhinacyada.

 

Hogaanka gobolka, oo uu ka mid yahay madaxa xafiiska nabadgelyada iyo maamulka ee gobolka bari ee Boorana, Mudane Malija Gelma, ayaa soo dhaweeyay go’aanka jabhada. Wuxuu ku bogaadiyay in nabadda ay tahay dariiq furan oo lagu soo dhoweynayo dhammaan kuwa doonaya inay ka mid noqdaan.

Ugu dambayntii, maamulka gobolka ayaa xaqiijiyay inay diyaar u yihiin inay si buuxda ula shaqeeyaan qaatay nabadda, iyadoo la sheegay in xubno badan oo ka mid ah jabhada xoraynta Oromada ay horeba u qaateen nabadda.