Dr. Birhaane Masqal Tanaa, Madaxweynaha Jaamacadda Waxbarashada ee Kotebe, ayaa sheegay in ay lagama maarmaan tahay in la mideeyo mowqifka ku aaddan danaha qaran ee Itoobiya

Addis Ababa, Xorrey/Tahsaas 1/2017 (ENA): Dr. Birhane, oo wareysi siiyay wakaaladda wararka Itoobiya (ENA), ayaa sheegay in ajandayaasha ugu muhiimsan ee dalka ay la xiriiraan doorka muhiimka ah ee nidaamka waxbarashada Itoobiya.

Waxa uu xusay in jiilku uu u baahan yahay in si hagar la'aan ah loogu tababaro fahamka ajandayaasha muhiimka ah iyo danaha qaranka.

Sidoo kale, waxa uu carrabka ku adkeeyay in ay lama huraan tahay in lagu heshiiyo hal mowqif oo wadajir ah oo ku saabsan danaha qaran ee Itoobiya.

Sidaa darteed, waxa uu ku baaqay in cid kasta oo aaminsan muhiimadda arrimaha Itoobiya ay si wadajir ah uga shaqeeyaan masiirka qaran ee wadajirka ah.

Ugu dambayntii, waxa uu si gaar ugu baaqay aqoonyahannada in ay soo bandhigaan ajandayaal ku aaddan Itoobiya oo waxtarna u leh midnimada iyo xoogga Afrika, iyaga oo sameynaya cilmi-baaris tayo leh iyo dooddo fikradeed oo miro dhal ah.