Itoobiya waxay xubin ka noqotay Machadka Caalamiga ah ee Xirfadaha

Addis Ababa; Naaf/Nahaase 3/2016 (ENA): Wasaaradda shaqada iyo xirfadda ayaa ku dhawaaqday in Itoobiya ay xubin ka tahay machadka caalamiga ah ee xirfadaha.  

 

Wasiirka shaqada iyo xirfadaha Muferihat Kaamil ayaa warbaahinta u sharraxday in Itoobiya ay xubin ka tahay machadka xirfadaha caalamiga ah.

Mar ay sharraxaad ka bixinaysay waxa ay sheegtay in dawladdu ay ku dadaalayso sidii loo abuuri lahaa muwaadiniin xirfad iyo wax soo saar leh.

 

Haddaba, wasaaraddu waxay hirgelinaysaa dib-u-habayn lagu xaqiijinayo waxtarkeeda iyadoo la casriyeynayo qaybta farsamada iyo farsamada gacanta. Waxa ay tilmaantay in dib-u-habayntani ay xoogga saari doonto casriyaynta iyo ballaadhinta helitaanka hawlaha horumarinta xirfadda muwaadiniinta. 

Sidoo kale waxa ay sheegay in waaxdan ay u qorsheysan tahay in ay kaalin mug leh ka qaadato sidii loo kordhin lahaa dhaq dhaqaaqa dhaqaale ee dalka.

 

Arrintan ayay sheegtay in lagusoo saarayo muwaadiniin tayo leh oo caalami ah oo ku tartami kara hadafyo waaweyn. 

Haddaba, machadka caalamiga ah ee xirfadaha oo ka shaqeeya kobcinta xirfadaha ayaa Itoobiya u diwaan galiyay inay noqoto dalka 88-aad ee kamid noqda. Waxa ay tani ay gacan ka geysan doonto ka qeyb galka tartamada xirfadeed ee loo qabto wadamada xubnaha ka ah, isla markaana waxay gacan ka geysan doonta tayaynta.

 

Waxa la tilmaamay in dhalinyarada Itoobiya ee leh xirfadaha ay ka qeyb gali doonaan tartan xirfadeedka 47-aad ee caalamiga ah ee uu machadku ku qabto magaalada Lyon bisha maskarem.