ህዝበ ሙስሊም በዓል ዒድ ኣል ኣድሐ (ኣረፋ) እንተኽብር ብምትሕግጋዝን ብምትሕስሳብን ክኸውን ይግባእ

ኣዲስ ኣበባ/ግንቦት 18/2018(ኢዜኣ) ህዝበ ሙስሊም በዓል ዒድ ኣል ኣድሐ (ኣረፋ) እንተኽብር ነንሕድ ሕዱ ብምትሕግጋዝን ብምትሕስሳብን ክኸውን ከም ዝግባእ ተቀዳሚ ምክትል ፕሬዚዳንት ላዕለዋይ ቤት ምኽሪ ጉዳያት እስልምና ኣዲስ ኣበባ ሸህ ሙሐመድ ሸሪፍ ገሊፆም።
ላዕለዋይ ቤት ምኽሪ ጉዳያት እስልምና ኣዲስ ኣበባ ፅባሕ ንዝኽበር መበል 1447 በዓል ዒድ ኣል ኣድሐ (ኣረፋ) ብዝምልከት መግለፂ ሂቡ።
እቲ መግለፂ ዝሃቡ ተቀዳሚ ምክትል ፕሬዚዳንት ላዕለዋይ ቤት ምኽሪ ጉዳያት እስልምና ኣዲስ ኣበባ ሸህ ሙሐመድ ሸሪፍ፤ ንመላእ ሰዓብቲ እምነት እስልምና መልእኽቲ እንኳዕ ኣብፀሐኩም ኣመሓላሊፎም።
ምትሕግጋዝን ካብ ዘለካ ምክፋልን ፍሉይ መግለፂ በዓል ዒድ ኣል ኣድሐ (ኣረፋ) ከም ዝኾነ እውን ተዛሪቦም።
ስለዝኾነ ድማ ህዝበ ሙስሊም እዚ በዓል እንተኽብር ኣብ ከባቢኡ ዘለዉ ዓቕሚ ዘይብሎም ኣሕዋትን ኣሕዋትን ምስ ዓርሱ ብማዕረ ክሓስቦም ከም ዘለዎ ሓቢሮም።
ህዝበ ሙስሊም እቲ በዓል እንተኽብር ብምትሕግጋዝን ብምትሕስሳብን ክኸውን ይግባእ ኢሎም።