ህዝበ ክርስትያን በዓል ትንሳኤ ብሕብረትን ምትሕግጋዝን ከሕልፎ ይግባእ- ኣቦታት ሃይማኖት

ኣዲስ ኣበባ/ሚያዝያ 3/2018 (ኢዜኣ)፦ህዝበ ክርስትያን በዓል ትንሳኤ ክብርታት ሓድነትን ልግስን ብምድንፋዕ፣ ብምትሕግጋዝን ሕብረትን ከሕልፎ ከምዝግባእ ኣቦቶታት ሃይማኖት ፃውዒት ኣቕሪቦም።
እቶም ኣቦታት ሃይማኖት ኣብ መልእኽቶም፤ እቲ በዓል ኢትዮጵያዊ ክብርታት ሓድነትን ልግስን ብምጥንኻር ዝተፀገሙ ወገናት ብምሕጋዝ ምኽባር ይግባእ ኢሎም።
ቀዳማዊ ፓትርያርክ ርእሰ ሊቃነ ጳጳሳት ዘ ኢትዮጵያ ሊቀ ጳጳስ ዘ ኣክሱም ወእጨጌ ዘመንበረ ተክለሃይማኖት ብፁዕ ወቅዱስ ኣቡነ ማትያስ ኣብ መልእኽቶም፤ በዓል ትንሳኤ እቲ ሃይማኖት ዘምህሮም ሰናይ ተግባራት ብምፍፃም ክነኽብሮ ይግባእ ኢሎም።

ዓምዲ መግለፂ እቲ በዓል ዝኾነ ሰናይ ስብእናን ቅኑዕ ኣተሓሳስባን ምጥቃም ኣድላይ ከም ዝኾነ ብምምልኻት፤ ኣብ ዓለም ይኹን ኣብ ኢትዮጵያ ዘጋጥሙ ፈተናታት ብፅንዓት ምሕላፍ ከም ዝግባእ ተዛሪቦም።
ኣመንቲ ነቲ በዓል እንተኽብሩ ዝተፀገሙ ወገናት ብምሕሳብን ብምሕጋዝን ክኸውን ከም ዝግባእ እውን ኣገንዚቦም።
ሊቀ ጳጳሳት ካቶሊካዊት ቤተ ክርስቲያን ኢትዮጵያ ብፁዕ ካርዲናል ኣቡነ ብርሃነ ኢየሱስ ብወገኖም፤ ኣመንቲ ካብ ፈጣሪአም ዝተምሃርዎ ሰናይ ምግባር ንከርእዩ ፃውዒት ኣቕሪቦም።

ህዝበ ክርስትያን ካብ ቂምን ፅልእን ብምርሓቕ ምስ ካልኦት ኣሕዋቶምን ኣሓቶምን ብምትሕብባር ንሰላምን ፍቕርን ሃገር ክሰርሑ ከም ዘግባእ ገሊፆም።
ኣብ ዝተፈላለዩ ከባቢታት ኣብ ፀገም ዝርከቡ ዜጋታት ምሕጋዝ ቀንዲ ናይቲ በዓል መግለፂ ክኸውን ከም ዝግባእ እውን ሓቢሮም።
ፕሬዚዳንት  ካውንስል ኣብያተ ክርስቲያናት  ኣመንቲ ወንጌል ኢትዮጵያ  ቄስ ደረጀ ጀንበሩ፤ ትንሳኤ ንወዲ ሰብ  ዕሙቕ ፍቕሪ ፈጣሪ ዝተገለፀሉ በዓል እዩ ኢሎም።
ትንሳኤ  ፅልኢ ብፍቕሪ፣ ምፍልላይ ብሓድነት፣ ከምኡ እውን ስዕረት ብዓወት ዝተተከኣሉ ከም ዝኾነ ብምግላፅ፤ ብወገን ኣመንቲ ይቕረ በሃልነት ክነግስ ከም ዝግባእ ተዛሪቦም።

ኢትዮጵያ ደቃ ሰሪሖም ዝልወጡላ ምችውቲ ሃገር ክትኸውን ኩላትና ነኒ ሕድሕድና ክንተሓጋገዝ ይግባእ ክብሉ መልእኽቶም ኣሕሊፎም።
እቶም ኣቦታት ሃይማኖት ኣብ መዛዘሚ መልእኽቶም፤ እቲ በዓል ናይ ሰላም፣ ፍቕርን ደስታን ንክኸውን ንኹሎም ሰዓብቲ እምነት ክርስትያን ሰናይ ትምኒቶም ገሊፆም።