ንበዓል ፋሲካ ዝኸውን እኹል እንስሳትን ፍርያት ውፅኢት እንስሳትን ብተመጣጣኒ ዋጋ ንሕብረተሰብ እናቐረበ እዩ

ኣዲስ ኣበባ፤ መጋቢት 30/2018 (ኢዜኣ)፦ ንበዓል ፋሲካ ዝኸውን እኹል እንስሳትን ፍርያት ውፅኢት እንስሳትን ብተመጣጣኒ ዋጋ ንሕብረተሰብ እናቐረበ ከም ዝኾነ ኮሚሽን ልምዓት ሓረስታይን ሕርሻ ከተማን ምምሕዳር ከተማ ኣዲስ ኣበባ ገሊፁ።
ኮሚሽነር ኮሚሽን ልምዓት ሓረስታይን ሕርሻ ከተማን ምምሕዳር ከተማ ኣዲስ ኣበባ ባዩ ሽጉጤ ንኢዜአ ከም ዝገለፅዎ፤ ንበዓል ፋሲካ ዝኸውን እኹል እንስሳትን ፍርያት ውፅኢት እንስሳትን ብተመጣጣኒ ዋጋ ንሕብረተሰብ እናቐረበ እዩ።
በዓል ፋሲካ ምኽንያት ብምግባር ምርግጋዕ ዕዳጋ ንምፍጣርን ብመጠን ጠለብ ሕብረተሰብ እኹል ፍርያት ንምቕራብን ሰፊሕ ምድላው ከም ዝተገበረ ኣፍሊጦም።
ብፍላይ ኣብቲ በዓል ሕብረተሰብ ፍርያት ውፅኢት እንስሳት ብተመጣጣኒ ዋጋ ክሽምት ምድላው ብምግባር ናብ ስራሕ ከም ዝተኣተወ ሓቢሮም።
በዚ እውን ንበዓል ዝውዕሉ ከም እንቁላሊሕ፣ ጠስሚ፣ ደርሆን ዝሃጠሩ ኣብዑርን ብእኹል መጠንን ተመጣጣኒ ዋጋን ምቕራብ ከም ዝጀመሩ ገሊፆም።
እዞም ፍርያት ኣብታ ከተማ ኣብ ዝተዳለዉ ባዛራትን ኤግዚቢሽናትን ከምኡ እውን ኣብ ትሕቲ ማእኸል ልህቐት ልምዓት እንስሳት ዝርከቡ ሹቃት ንተጠቀምቲ እናቐረቡ ከም ዝኾኑ አረዲኦም።