ስርዓት ንግዲ ንምምዕባልን ማእኸላት ዕዳጋ ንምስፍሕፋሕን ትኹረት ተዋሂቡ እዩ

ኮምቦልቻ/ጥሪ 13/2018(ኢዜኣ) እቲ ዕዳጋ ንምርግጋዕ፣ስርዓት ንግዲ ንምምዕባልን ማእኸላት ዕዳጋ ንምስፍሕፋሕን ትኹረት ተዋሂቡ እናተሰርሐ ከምዝኾነ ሚኒስትርን ንግድን ዞባዊ ምትእስሳርን ካሳሁን ጎፌ(ዶ/ር) ገሊፀፆም።
ኣብ ከተማ ኮምቦልቻ ብ120 ሚልዮን ብር ዝተሃነፀ ማእኸል ዕዳጋ ተመሪቑ።

ሚኒስትርን ንግድን ዞባዊ ምትእስሳርን ካሳሁን ጎፌ(ዶ/ር) ኣብዚ እዋን ከም ዝበልዎ፤ ብዝተበታተነ መንገዲ ዝግበር ዕድጊት ብምትእኽኻብን ስርዓት ዕድጊት ብምምዕባልን ምኽባር መነባብሮ ንምርግጋዕ እናተሰርሐ እዩ። 
ብተወሳኺ እውን ስፍራታት ዕድጊት ንምልማዕ፣ትሕዝቶኦም ንምኽባር ከምኡ እውን ደረጅኦም ብምምሕያሽ ምችው ኩነታት ንምፍጣር ፃዕሪ እናተገበረ እዩ ኢሎም።
ኣብ ከተማታት ዕዳጋታት ቀዳምን ሰንበትን ተጣይሾም ፍርያት ብተመጣጣንን ብዝቐነሰን ዋጋ ንክቐርብ ዝተጀመረ ስራሕ እውን ተጠናኺሩ ከምዝቕፅል ተዛሪቦም።
ሎሚ ኣብ ከተማ ኮምቦልቻ ዝተመረቐ ማእኸል ዕዳጋ እውን ኣካል እዚ ከም ዝኾነ ብምግላፅ፤ ኣብ ካልኦት ከተማታት እውን ክስፋሕፋሕ ከምዘለዎ ኣረዲኦም።