ላዕለዎት ትካላት ትምህርቲ ሰለስተ መሰረታዊ ስራሕቲ ትፅቢት ይግበረሎም-ቀዳማይ ሚኒስትር ዐቢይ ኣሕመድ(ዶ/ር)

ኣዲስ ኣበባ/ታሕሳስ 27/2018 (ኢዜኣ) ላዕለዎት ትካላት ትምህርቲ ሰለስተ መሰረታዊ ስራሕቲ ትፅቢት ከምዝግበረሎም ቀዳማይ ሚኒስትር ዐቢይ ኣሕመድ(ዶ/ር) ገሊፆም።
ቀዳማይ ሚኒስትር ዐቢይ ኣሕመድ(ዶ/ር) ዩኒቨርሲቲ ኣዲስ ኣበባ መበል 75 ዓመት በዓል ምስረትኡ ብዝምልከት ኣብ ዝተዳለወ መድረኽ ዘተ ፅሑፍ ኣቕሪቦም።

እቶም ቀዳማይ ሚኒስትር ኣብዚ እዋን ከምዝበልዎ፤ ኩሎም ላዕለዎት ትካላት ትምህርቲ ምምሃር ምስትምሃር፣ምምርማርን ምምርማርን ከምኡ እውን ምቕልጣፍን ተግባራዊ ምግባርን ዝተብሃሉ ሰለስተ መሰረታዊ ስራሕቲ ትፅቢት ይግበረሎም።
ብተወሳኺ እውን ስምብራታት ሓሳብ፣ትካልን ባህልን ከም ሃገር ፈተናታት ከምዝኾኑ ሓቢሮም።
ሕዚ ኣብ ዘለናሉ ዘበን ዕድልን ፈተናታትን ከምዘሎ ዝገለፁ እቶም ቀዳማይ ሚኒስትር፤ ሓባራዊ ሓቂ ዘይምፍጣር፣ካብ ኣርዑትን ነዊትን ዘይምልቓቕ፣ካብ ኣፈላላይን ጎንፅን ዘይምውፃእ ከምኡ እውን ካብ ስነ ምህዳራዊ ሓፁር ዘይምሕላፍ ዘይተሳገርናዮም እዮም ክብሉ ኣብራህሪሆም።
እዚኣቶም ንምስጋር እውን ዝተሳገረ ብሄራዊ ራኢ፣ተግባራዊ ከይዲ ለውጢ፣ዝተሓባበረ ዓቕሚ ለውጥን ሓይልን የድልየና ኢሎም።
ዝተሳገረ ብሄራዊ ራኢ እንትበሃል እውን ካብ ትማሊ ምምሃር፣ንመስዋእቲ ምድላውን ንወለዶ ምስራሕን ከምዝኾነ ኣረዲኦም።