ንዕዉትነት ስትራቴጂ ዲጂታል ኢትዮጵያ 2030 ነዚ ዘበን ዝምጥኑ ፕሮግራማት ስልጠና እናተኸፈቱ እዮም

ኣዲስ ኣበባ/ታሕሳስ 24/2018 (ኢዜኣ) ንዕዉትነት ስትራቴጂ ዲጂታል ኢትዮጵያ 2030 ኣብቲ ዓውዲ ብቑዓት ሰብ ሞያ ንምፍራይ ነዚ ዘበን ዝምጥኑ ፕሮግራማት ስልጠና እናተኸፈቱ ከምዝኾነ ተገሊፁ።
ቀዳማይ ሚኒስትር ዐቢይ ኣሕመድ (ዶ/ር) ንስትራቴጂ ዲጂታል ኢትዮጵያ 2030 ብዕሊ ኣብ ዘጀመርሉ እዋን፤ ተበፃሕነት ምስፋሕ፣ንዜጋት ማዕረ ዕድል ምፍጣር፣ኣብ መንጎ ትካላትን ዜጋታትን ዘሎ ምትእምማን ምጥንኻር ቁልፊ ትልምታት እቲ ስትራቴጂ ከምዝኾኑ ምግላፆም ዝዝከር እዩ።
ዋና ዳይሬክተር ኢንስቲትዩት ስልጠና ቴክኒክን ስልጠናን ብሩክ ከድር (ዶ/ር) ንኢዜኣ ከምዝበልዎ፤ ስትራቴጂ ዲጂታል ኢትዮጵያ 2025 ኣብ ዓውዲ ቴክኒክን ሞያን ዝተባባዕ ለውጢ ንክምዝገብ ዓቕሚ ፈጢሩ እዩ።
 እቲ ኢንስቲትዩት፤ ስትራቴጂ ዲጂታል ኢትዮጵያ 2030 ከዐዉቶም ምስ ዝሓዞም ዕላማት ብምትእስሳር ተግባራዊ ንምግባር ዘኽእሎ ምድላው ሰነድ እናገበረ ከምዝኾነ ሓቢሮም።
ሽቶታት ስትራቴጂ ዲጂታል ኢትዮጵያ 2030 ንምዕዋት ዝሓሸ ዲጂታል ክእለት ዘለዎም ሰልጠንቲ ንምፍራይ ብትኹረት ዝስረሐሉ ጉዳይ ከምዝኾነ እውን ኣረዲኦም።
ኣርቲፊሻል ኢንተለጀንስ፣ሴክዩሪቲ ሳይበርን ካልኦት ዓይነታት ስልጠናን ንዕዉትነት እቲ ስትራቴጂ ዝለዓለ እጃም ከምዘለዎም ተዛሪቦም።