ዓብይ ግድብ ሕዳሰ ኣብ ኩሎም ኢትዮጵያውያን መንፈስ ይከኣል እዩ ዝፈጠረ እዩ-ኣረጋዊ በርሀ(ዶ/ር) 

ኣዲስ ኣበበ/ታሕሳስ 17/2018 (ኢዜኣ) ዓወት ዓብይ ግድብ ሕዳሰ ኣብ ኩሎም ኢትዮጵያውያን መንፈስ ይከኣል እዩ ዝፈጠረ እዩ ክብሉ ዋና ፈፃሚ ስራሕ ቤት ፅሕፈት ፕሮጀክት ምትሕብባር ዓብይ ግድብ ሕዳሰ ኢትዮጵያ ኣረጋዊ በርሀ(ዶ/ር) ገሊፆም።
“ዓብይ ግድብ ሕዳሰ ንምንስርራእ ኢትዮጵያ”ኣብ ትሕቲ ዝብል መሪሕ ሓሳብ ትካል ፕረስ ኢትዮጵያ ዘዳለዎ መድረኽ ዘተ’ምእንተ ኢትዮጵያ’ እቲ ግድብ ኣብ ዝርከበሉ ተኻይዱ።

ዋና ፈፃሚ ስራሕ ቤት ፅሕፈት ፕሮጀክት ምትሕብባር ዓብይ ግድብ ሕዳሰ ኢትዮጵያ ኣረጋዊ በርሀ(ዶ/ር) ኣብዚ መድረኽ ተረኺቦም ከምዝበልዎ፤ ዓወት ዓብይ ግድብ ሕዳሰ ኣብ ኩሎም ኢትዮጵያውያን መንፈስ ይከኣል እዩ ዝፈጠረ እዩ።
ኣብ ህንፀት እቲ ግድብ ዝተርኣየ ሕብረት ካልኦት ስራሕቲ እውን ጋህዲ ንምግባር ኩሉ እጃሙ ክዋፃእ ይግባእ ክብሉ እውን ተዛሪቦም።