ደቂ ኣብ ምንቅስቓስ ፓን ኣፍሪካኒዝም ዝፍለጡ መራሕቲ ኣፍሪካ ኣብ ከተማ ኣዲስ ኣበባ ስራሕቲ ልምዓት ይዕዘቡ ኣለዉ

ኣዲስ ኣበባ/ሕዳር /26/ 2018 (ኢዜኣ) ደቂ ኣብ ምንቅስቓስ ፓን ኣፍሪካኒዝም ዝፍለጡ መራሕቲ ኣፍሪካ ስራሕቲ ልምዓት ከተማ ኣዲስ ኣበባ ይዕዘቡ ኣለዉ።
እቶም ጎብነይቲ፤ ደቂ ሓድነት ኣፍሪካ ንክህሉ መሰረት ዘንበሩን ንሓድነት፣ሰላምን ልምዓትን ኣፍሪካ ብስራሕቲ ምንቅስቓሳት ፓን ኣፍሪካኒዝም ዝፍለጡን ነበር መራሕቲ እዮም።
ኣብዚ ዑደት፤ ኣብቲ ዑደት፤ ወዲ ፈላማይ ቀዳማይ ሚኒስትር ዲሞክራቲክ ሪፐብሊክ ኮንጎ ዝነበሩ ፓትሪስ ሉሙምባ፣ ጓል ፈላማይ ፕሬዚዳንት ጋና ዝነበሩ ኩዋሜ ኑኩሩሃማ፣ ንኩዋሜ ኑኩሩማ ወዲ ወዱ፣ወዲ ፈላማይ ፕሬዚዳንት ዛምቢያ ዝነበሩ ኬኔት ካውንዳ፣ንነበር ፕሬዚዳንት ደቡብ ኣፍሪካ ኔልሰን ማንዴላ ወዲ ወዱ፣ወዲ ፍሉጥ ደቡብ ኣፍሪካዊ ተቓላሲ ፀረ ኣፓርታይድ ስቲቭ ቢኮ፣ጓል ተቓላሲ ፀረ ኣፓርታይድን ሚኒስትርን ዝነበሩ ደቡብ ኣፍሪካዊ ዋልተር ሲሱሉ፣ወዲ ፈላማይ ፕሬዚዳንት ታንዛኒያ ጁሊየስ ኔሬሬ፣ጓል ፕሬዚዳንት ብሄራዊ ኣፍሪካ (ANC)፣ፖለቲከኛን ኣክቲቪስትን ፀረ ኣፓርታይድ ኦሊቨር ታምቦን ካልኦትን ተረኺቦም።
ኣብ ከተማ ኣዲስ ኣበባ ኣብ ዝህልዎም ዑደት፤ መዘከርታ ዓወት ዓድዋ፣ ብሄራዊ ቤተ መንግስቲ፣ ሙዜም ሳይንስን ስራሕቲ ልምዓት ኮሪደርን ክዕዘቡ እዮም።
እቶም ጎብነይቲ ኢትዮጵያ ምንቅስቓስ ፓን ኣፍሪካኒዝም ኣብ ምስፍሕፋሕ ዝነበራ እጃምን ዘይተቛረፀ ገድልን ዘርእዩ ስራሕቲ ኣብ መዘከርታ ዓወት ዓድዋ ተዓዚቦም።
ወለዶም ምስ ነበር መራሕቲ ኢትዮጵያ ዝነበሮም ምትሕብባርን ኢትዮጵያ ንነፃነት ኣፍሪካ ዝኸፈለቶ ዋጋን ብምዕዛቦም ዝተሰምዖም ሓጎስ ኣካፊሎም።
እቶም ጎብነይቲ፤ ብኣዳላውነት ኣርቲ ኣፍርሪካ ትማሊ ምሸት ኣዲስ ኣበባ ኣብ ዝተኻየደ መርሃ ግብሪ ሽልማት ሚድያ ኣፍሪካ ምስታፎም ዝፍለጥ እዩ።