ዓብዪ ጉያ ኣብ ኢትዮጵያ'ምስ ባንኪ ኣሜሪካ ስምምዕ ምሕዝነት 5 ዓመት ተፈራሪሙ

ኣዲስ ኣበባ/ሕዳር 12/2018(ኢዜኣ) ‘ዓብዪ ጉያ ኣብ ኢትዮጵያ'ምስ ባንኪ ኣሜሪካ ስምምዕ ምሕዝነት 5 ዓመት ተፈራሪሙ።
መበል 25 ዓመት‘ዓብዪ ጉያ ኣብ ኢትዮጵያ’ ሚኒስትር ደቂ ኣንስትዮን ማሕበራዊ ጉዳይን ኤርጎጌ ተስፋዬ (ዶ/ር) ሓዊሱ ላዕለዎት ሓለፍቲ ስራሕ መንግስቲ፣ ኣትሌታትን ፃውዒት ዝተገበረሎም ኣጋይሽን ኣብ ዝተረኸብሉ ኣብ ግራንድ ሆቴል ሃይሌ ተኸቢሩ።
ብተወሳኺ እውን ባንኪ ኣሜሪካ(Bank of America) ምስ‘ዓብዪ ጉያ ኣብ ኢትዮጵያ’ ከም ኣቆፃፅራ ኣውሮፓ ካብ 2026 ጀሚሩ ንሓሙሽተ ዓመታት ዝፀንሕ ስምምዕ ምሕዝነት ተፈራሪሙ።

መስራቲ ‘ዓብዪ ጉያ ኣብ ኢትዮጵያ’ ሻለቃ ኣትሌት ኃይሌ ገብረሥላሴ ኣብዚ እዋን፤ እቲ ስምምዕ ምስ ‘ዓብዪ ጉያ ኣብ ኢትዮጵያ' ዘይኮነስ ምስ ህዝቢ ኢትዮጵያ ዝተገበረ እዩ ኢሉ።
ባንኪ ኣሜሪካ ዓለም ለኸ ተብፃሕነት‘ዓብዪ ጉያ ኣብ ኢትዮጵያ’ ንምስፋሕ ናብ ኢትዮጵያ ስለዝመፀ ምስጋና ኣቕሪቡ።
መበል 25 ዓመት‘ዓብዪ ጉያ ኣብ ኢትዮጵያ’ ምስ ባንኪ ኣሜሪካ ምሕዝነት ዝተፈራረመሉ እቲ ዝዓበየ መዓልቲ ሓጎሰይ እዩ ክብል እውን ገሊፁ።
እቲ ስምምዕ ‘ዓብዪ ጉያ ኣብ ኢትዮጵያ’ ዓቕሚ ንምዕባይ ዓብይ እምነ ኩርናዕ እዩ ኢሉ።
ሓላፊ ዓለም ለኸ ምትሕብባር ዕዳጋ ባንኪ ኣሜሪካ ብራድ ሮዝ ብግደኦም፤ ኣሰር ዓለም ምስ ዝኾነ‘ዓብዪ ጉያ ኣብ ኢትዮጵያ’ ንሓሙሽተ ዓመታት ንምስራሕ ብምስምዕማዕና ኩርዓት ይስመዓኒ ኢሎም።
‘ዓብዪ ጉያ ኣብ ኢትዮጵያ'ሓድነት ዝፈጥርን ምንቕቓሕ ኢኮኖሚ ዘሳልጥን ከምዝኾነ እውን ተዛሪቦም።