ቅሪተ ኣካል ሉሲን ሰላምን ኣብ ማእኸላይ ኣውሮፓ ሪፐብሊክ ቼክ ከተማ ፕራግ ይጉብነዩ ኣለዉ

ኣዲስ ኣበባ/ነሓሰ 19/2017(ኢዜኣ) ቅሪተ ኣካል ሉሲን ሰላምን ኣብ ማእኸላይ ኣውሮፓ ሪፐብሊክ ቼክ ከተማ ፕራግ ካብ ሎሚ ጀሚሩ ይጉብነዩ ኣለዉ።
መርሃ ግብሪ ዕላዊ ምኽፋት እዚ ኤግዚቢሽን ቀዳማይ ሚኒስትር ቼክ ፒተር ፊያላን ሚኒስትር ቱሪዝም ሰላማዊት ካሳን ኣብ ዝተረኸብሉ ተሳሊጡ።

ሚኒስትር ቱሪዝም ሰላማዊት ካሳ ኣብዚ እዋን ኣብ ዝገበርኦ መደረ፤ ቅሪተ ኣካላት ሉሲን ሰላምን ኣብ ቼክ ንኤግዚቢሽን ምቕራቦም ንተመራመርቲ ታሪኽ ዓብይ ዕድል እዩ ኢለን።
ኤግዚቢሽን ሉሲን ሰላምን መፃኢት ሓዳሽ ኢትዮጵያ እውን ንምልላይ ዕድል ከምዝህብ ተዛሪበን።
እተን ሚኒስትር፤ ኢትዮጵያ መፂእኹም ጎብንይዋ ክብላ እውን ፃውዒት ኣቕሪበን።
ቀዳማይ ሚኒስትር ሪፐብሊክ ቼክ ፒተር ፊያላ ብግደኦም፤ ኣመፃፅኣ ወዲ ሰብ ዘርኢ ኤግዚቢሽን ንምክያድ ተዳሊውና ኢና ኢሎም።
ናብ ሉሲን ሰላምን ብኣካል መፂኹም ኣበይ ኢና? ካበይ ኢና መፂና? ዝብሉ ንደቅኹም ኣርእዩ ክብሉ እውን መልእኽቲ ኣመሓላሊፎም።
ዳይሬክተር ብሄራዊ ሙዜም ሪፐብሊክ ቼክ ሚካኤል ሉካሽ(ዶ/ር)፤ እዚ ኤግዚቢሽን ንምትእስሳር ክልቲአን ሃገራት ዓብይ ኣስተዋፅኦ ከምዘለዎን ኢትዮጵያ እውን እዚ ዕድል ስለዝሃበትና ነመስግን ክብሉን ገሊፆም።
እቲ ኣብ ብሄራዊ ሙዜም ሪፐብሊክ ቼክ ዝሳለጥ ዘሎ ኤግዚቢሽን ን60 መዓልትታት ከምዝፀንሕ ኢቢሲ ፀብፂቡ።