ሻደይ ብሃንቀውታን ብናፍቖትን እንፅበዮ ዓብይ በዓልና እዩ-ደቂ ኣንስትዮ ተሳተፍቲ በዓል ሻደይ

ሰቖጣ/ነሓሰ 17/2017(ኢዜኣ) ሻደይ ብሃንቀውታን ብናፍቖትን እንፅበዮ ብስራት ብሩህ ተስፋ ዝኾነ ዓብይ በዓልና እዩ ክብላ ኣብ ከተማ ሰቖጣ ተሳተፍቲ በዓል ሻደይ ተዛሪበን።

ኣብቲ ዞባ በቢዓመቱ ካብ ፍርቂ ወርሒ ነሓሰ ጀሚሩ ዝኽበር በዓል ሻደይ ብድሙቕ መልክዑ ይኽበር ኣሎ።

ተሳተፍቲ እቲ በዓል ንኢዜኣ ከምዝበልኦ፤ ባህላዊ ፀወታ ሻደይ ንደቂ ኣንስትዮ ምልክት ብስራት ብሩህ ተስፋና እዩ ኢለን።

ካብ ወረዳ ፃግብጅ ዝመፀት ተሳታፊት ሻደይ መንእሰይ ሄለን ጌቴ፤ ሻደይ ንሕና ደቂ ኣንስትዮ ብሃንቀውታን ናፍቖትን እንፅበዮ ዓብይ በዓልና እዩ ክትብል ተዛሪባ።

በዓል ሻደይ ኣብ ምኽባር ዘርኣናዮ ሓድነትን ፍቕርን ኣጠናኺርና ክንቕፅለሉ ኣለና ክትብል እውን ገሊፃ።

ካብ ወረዳ ሰሃላ ሰየምት ዝመፀት መንእሰይ ትዕግስት ኣስረሱ ብግደኣ፤ ሻደይ ደቂ ኣንስትዮ ብነፃነት ኣብ ኣደባባይ ዘኽብርኦ ዓብይ በዓል እዩ ኢላ።

ኣብ መግለፂ ሕብረት፣ሓድነት፣ፍቕርን መንነትን ዝኾነ በዓል ሻደይ ዝተርኣየ ምልዕዓል ኣብ ልምዓት እውን ንምውዓል ፃዕሪ ከምትገብር ኣረዲኣ።

በዓል ሻደይ ምልክት ሕብረትን ፍቕርን እዩ ዝበለት ድማ ነባሪት ወረዳ ደሃና መንእሰይ ኣስቴር ካሳው እያ።

ሓላፊ መምርሒ ባህልን ቱሪዝምን ምምሕዳር ዞባ ብሄረሰብ ዋግ ኽምራ እዮብ ዘውዱ ብግደኦም፤ በዓል ሻደይ ሓዱሽ ተስፋን ብስራትን ብምስናቕ ደቂ ኣንስትዮ ብምትሕብባር ዘኽብርኦ በዓል እዩ ኢሎም።