በዓል ኣሸንዳ/ማርያ ክብርን ሓጎስን ህዝብና እነስንቐሉ፣ ሰላምን ቅሳነትን እነዚመሉ፣ቃል ኪዳን ሓድነትን ዳግመ ሕውየትን እነሕድሰሉ ይኹነልና-ሚኒስትር ኣብርሃም በላይ(ዶ/ር) - ኢዜአ ትግርኛ
በዓል ኣሸንዳ/ማርያ ክብርን ሓጎስን ህዝብና እነስንቐሉ፣ ሰላምን ቅሳነትን እነዚመሉ፣ቃል ኪዳን ሓድነትን ዳግመ ሕውየትን እነሕድሰሉ ይኹነልና-ሚኒስትር ኣብርሃም በላይ(ዶ/ር)

ኣዲስ ኣበባ/16 ነሓሰ/2018(ኢዜኣ) በዓል ኣሸንዳ/ማርያ ክብርን ሓጎስን ህዝብና እነስንቐሉ፣ ሰላምን ቅሳነትን እነዚመሉን ቃል ኪዳን ሓድነትን ዳግመ ሕውየትን እነሕድሰሉን ይኹነልና ክብሉ ሚኒስትር መስኖን ከባብታት ቆላን ኣብርሃም በላይ(ዶ/ር) መልእኽቲ ኣመሓላሊፎም።
ሚኒስትር መስኖን ከባብታት ቆላን ኣብርሃም በላይ(ዶ/ር) ንበዓል ኣሸንዳ/ማርያ መልእኽቲ እንኳዕ ኣብፀሐኩም ኣመሓላሊፎም።
እቶም ሚኒስትር ኣብ ማሕበራዊ ምትእስሳር ገፆም ኣብ ዘመሓላለፍዎ መልእኽቲ እንኳዕ ኣብፀሐኩም፤
“ንመላእ ህዝቢ ትግራይ ብፍላይ ድማ ንደቂ ኣንስትዮ ትግራይ በዓል ኣሸንዳ/ማርያ ክብርን ሓጎስን ህዝብና እነስንቐሉ፣ሰላምን ቅሳነትን እነዚመሉ፣ሓቂ፣ ፍትሕን ርትዕን እነስተማቕረሉ፣ቃልኪዳን ሓድነትን ዳግመ-ሕውየትን እንሕድሰሉ ክኾነልና ይምነ” ኢሎም።
መፃኢ ሓዱሽ ዓመት ኣብ መዕቖቢ ዝርከቡ ተመዛበልቲ ኣሕዋትናን ኣሓትናን፣ኣቦታትን ኣደታትን ናብ ምውቕ መረበቶም ከይምለሱ ዘሐንክል ዓቀይታይ ምስ መላእ ህዝብና ኾይንና ኣቕሂምናን ስዒርናን ህዝብና ናብ መረበቱ ከምእንምልሶ በዓል ምሉእ እምነት እየ ክብሉ እውን መልእኽቲ ኣመሓላሊፎም።
እንኳዕ ንበዓል ኣሸንዳ/ማርያ ብሰላም ኣብፀሐና ዝበሉ ሚኒስትር ኣብርሃም በላይ(ዶ/ር)፤ ሰናይ ቅንያት በዓል ኣሸንዳ/ማርያ ንክኸውን እውን ሰናይ ትምኒቶም ገሊፆም።