ኣብ ወፃኢ ሃገር ኣብ ዝፍጠሩ ዕድላት ስራሕ ዜጋታት መሰሎምን ድሕንነቶምን ተሓሊዉ ዝሰርሕሉ ዓቕሚ ቴክኖሎጂ እናተፈጠረ እዩ-ሚኒስቴር ስራሕን ክእለትን

ኣዲስ ኣበባ/ነሓሰ 15/2017(ኢዜኣ) ኣብ ወፃኢ ሃገር ኣብ ዝፍጠሩ ዕድላት ስራሕ ዜጋታት መሰሎምን ድሕንነቶምን ተሓሊዉ ዝሰርሕሉ ዓቕሚ ቴክኖሎጂ እናተፈጠረ ከምዝኾነ ሚኒስቴር ስራሕን ክእለትን ኣፍሊጡ።

ብምትሕብባር ሚኒስቴር ስራሕን ክእለትን ትካል ዓለም ለኸ ስራሕን ዝማዕበለ”ለመንገዴ”ዝተብሃለ መተግበሪ ሞባይል ዕላዊ ኮይኑ።

ሚኒስትር ዲኤታ ሚኒስቴር ስራሕን ክእለትን ነቢሃ መሐመድ ኣብዚ እዋን ከምዝበልኦ፤ ስርዓት ወፍሪ ዕድል ስራሕ ወፃኢ ሃገራት ዘማዕብሉ ስጉምትታት ምምሕያሽ እናተወሰዱ እዮም።

ብፍላይ ድማ ኣብ ዓውዲ ቴክኖሎጂ ዝተወሰዱ ስጉምትታት ዜጋታት ኣብ ወፍሪ ስራሕ ወፃኢ ሃገር መሰሎምን ድሕንነቶምን ተሓሊዉ ተረባሕቲ ዝኾንሉ ስርዓት ከምዝተፈጠረ ገሊፀን።

ሎሚ መዓልቲ ዕላዊ ዝተገበረ መተግበሪ ሞባይል ''ለመንገዴ'' እውን ዜጋታት ወፍሪ ስራሕ ቅድሚ ምውሳዶም ምድላው ቅድመ ጉዕዞ ዝገብርሉ ጠቓሚ ሓበሬታ ከምዝህብ ተዛሪበን።

እቶም ወፍሪ ስራሕ ዝወስዱ ዜጋታት እውን መሰሎምን ግቡኦምን ከምኡ እውን ርክብ ስራሕ መስርሕን ሰራሕተኛን ግንዛበ ዘጨበጥ ከምዝኾነ ኣብራህሪሀን።

ትካላት መሰልጠኒ ክልላትን ምምሕዳር ከተማታትን 

ምርመራ ዝወሃበሎም ትካላት ጥዕናን ከምኡ እውን ኣድራሻ ቢሮታት ኤምባሲን ቆንሲልን ኢትዮጵያ ኣብ ወፍሪ ስራሕ ዝግበረለ ሃገራት ከምዘርኢ እውን ሓቢረን።

እቲ መተግበሪ ሞባይል ዜጋታት ኣብ ዝሰርሕሉ ወፃኢ ሃገር ፀገም እንተጋጢምዎም ንዝምልከቶ ኣካል ሓበሬታ ምሃብ ዝኽእልሉ ኣግባብ ከምዝማዕበለ ኣረዲአን።