ኣብ ዓውዲ ትምህርቲ ዝተመዝገቡ ለውጥታት ብምጥንኻር ብፍልጠት ዝማዕበለ ወለዶ ምህናፅ ይግባእ-ፕሮፌሰር ብርሀኑ ነጋ

ሃዋሳ/ነሓሰ 15/2017(ኢዜኣ) ኣብ ፅሬትን ተበፃሕነትን ትምህርቲ ዝተመዝገቡ ለውጥታት ብምጥንኻር ብፍልጠት ዝማዕበለ ወለዶ ምህናፅ ከምዝግባእ ሚኒስትር ትምህርቲ ፕሮፌሰር ብርሀኑ ነጋ ገሊፆም።
ሃገራዊ መድረኽ ምኽክር ሓፈሻዊ ዘፈር ትምህርቲ ኣብ ከተማ ሃዋሳ ይሳለጥ ኣሎ።
ሚኒስትር ትምህርቲ ፕሮፌሰር ብርሀኑ ነጋ ኣብዚ መድረኽ ተረኺቦም ከምዝበልዎ፤ ናይ ሎሚ ስራሕ ትምህርቲ ቀፃሊ ዕድል ኢትዮጵያ ዝውስን እዩ።
ስለዝኾነ እውን ኣብ ዓውዲ ትምህርቲ ዝተገበሩ ለውጥታት መሰረት ዝገበረ ብፍልጠት ዝማዕበለ ወለዶ ምህናፅ ይግባእ ኢሎም።
ብዋናነት እውን ፅሬትን ተበፃሕነትን ትምህርቲ ንምርግጋፅ ዝተጀመሩ ስራሕቲ ምጥንኻር ከምዝግባእ ተዛሪቦም።
ካብ ግዕዝይናን ስርቅን ዝፀረየን ሓቂ መሰረት ገይሩ ዝሰርሕን ወለዶ ብምፍጣር ዝማዕበለት ኢትዮጵያ ክንሃንፅ ኢና ክብሉ እውን ሓቢሮም።
ኣብቲ ንክልተ መዓልትታት ዝፀንሕ መድረኽ ምኽክር፤ ኣብ ኣፈፃፅማ ትልሚ ቢሮታት ክልልን ትልሚ 2018ን ዘተ ከምዝግበር ፀሪሖም።
ኣብቲ መድረኽ፤ ሓለፍቲ ቢሮ ትምህርቲ ኩሎም ክልላትን ምምሕዳር ከተማታትን ይሳተፉ ኣለዉ።