ቅሪተ ኣካላት ሉሲ(ድንቅነሽ)ን ሰላምን ኣብ ማእኸላይ ኣውሮፓ ኣብ ዝህልዎም ፃንሒት ንምድረ ቀዳሞት ኢትዮጵያ ብሓዱሽ መልክዕ ከላልዩ እዮም-ሚኒስትር ሰላማዊት ካሳ

ኣዲስ ኣበባ/ነሓሰ 9/2017(ኢዜኣ) ቅሪተ ኣካላት ሉሲ(ድንቅነሽ)ን ሰላምን ኣብ ማእኸላይ ኣውሮፓ ኣብ ዝህልዎም ፃንሒት ንምድረ ቀዳሞት ኢትዮጵያ ብሓዱሽ መልክዕ ከምዘላልዩ ሚኒስትር ቱሪዝም ሰላማዊት ካሳ ገሊፀን።
ሚኒስቴር ቱሪዝም ናብ ሪፐብሊክ ቼክ ንዝኸዱ ቅሪተ ኣካላት ሉሲ(ድንቅነሽ)ን ሰላምን ስነ ስርዓት ምፍናው ገይሩሎም።
ኣብቲ መርሃ ግብሪ ምፍናው፤ ሚኒስትር ቱሪዝም ሰላማዊት ካሳን ኣምባሳደር ሪፐብሊክ ቼክ ኣብ ኢትዮጵያ ሚሮስላቭ ኮሴክን ተረኺቦም።



ሚኒስትር ሰላማዊት ካሳ ኣብዚ እዋን ከምዝበልኦ፤ ኢትዮጵያ ኣብ ዓለም እትፍለጠሉ ሓደ መፍለዪ ዘርኢ ወዲ ሰብ ዝርከበላ ምዃና እዩ ኢለን።
እዚ ድማ ምስሊ ንምህናፅ ከምኡ እውን ንዓለም ንምልላይ ብርክት ዝበሉ ስራሕቲ ከምዝተሳለጡ ሓቢረን።
ሎሚ መዓልቲ እውን ቅሪተ ኣካላት ሉሲ(ድንቅነሽ)ን ሰላምን ናብ ሪፐብሊክ ቼክ ከምዝኸዱ ኣፍሊጠን።
እቶም ቅሪተ ኣካላት ኣብ ብሄራዊ ሙዜም ፕራግ ንምርኢት ከምዝቐርቡ እውን ፀሪሐን።
እቶም ቅሪተ ኣካላት ኣብ ሪፐብሊክ ቼክ ኣብ ዝህልዎም ፃንሒት ንሓዳሽ ኢትዮጵያ ብግልፂ ከምዘርእዩ ኣረዲአን።
ብተወሳኺ እውን ኢትዮጵያ ምድረ ቀዳሞት ምዃና ብሓዱሽ መልክዕ ከምዘላልዩ ተዛሪበን።
ክልቲኣዊ ፎረማት ንግድን ካልኦት ኩነታትን ከምዝሳለጡ እውን ገሊፀን።
ዳይሬክተር ብሄራዊ ሙዜም ፕራግ ጀነራል ሚካኤል ሉኬሽ ብግደኦም፤ እቶም ቅሪተ ኣካላት ኣብቲ ሙዜም ንምርኢት ምቕራቦም ዓብይ ትርጉም ኣለዎ ኢሎም።
እቶም ቅሪተ ኣካላት ኣብ ታሪኻዊ ቦታ ንምርኢት ከምዝቐርቡ ብምሕባር፤ እዚ ንዝገበሩ ኣካላት እውን ኣመስጊኖም።
ቅሪተ ኣካላት ሉሲ(ድንቅነሽ)ን ሰላምን ንምርምር ኣመፃፅኣ ዘርኢ ወዲ ሰብ ርኡይ ኣስተዋፅኦ ዘበርከቱ ሓድግታት ከምዝኾኑ ኣረዲኦም።


 

የኢትዮጵያ ዜና አገልግሎት
2015
ዓ.ም