ንዓውዲ ሕክምና ከባቢ 130 ቢልዮን ብር ሃፍቲ እናተበጀተ እዩ-ቀዳማይ ሚኒስትር ዐቢይ ኣሕመድ(ዶ/ር)

 

ኣዲስ ኣበባ/ሰነ/ 16/2017(ኢዜኣ) መንግስቲ ንዓውዲ ሕክምና ከባቢ 130 ቢልዮን ብር ሃፍቲ እናበጀተ ከምዝኾነ ቀዳማይ ሚኒስትር ዐቢይ ኣሕመድ(ዶ/ር) ገሊፆም።

ቀዳማይ ሚኒስትር ዐቢይ ኣሕመድ(ዶ/ር) ምስ ካብ መላእ ኢትዮጵያ ዝተውፃእፅኡ ሰብ ሞያ ጥዕና ዘትዮም።

እቶም ቀዳማይ ሚኒስትር ኣብዚ እዋን ከምዝበልዎ፤ መንግስቲ ዓውዲ ጥዕና ውፅኢታዊ ንምግባር ትኹረት ሂቡ እናሰርሐ እዩ ዝርከብ።

ስለዝኾነ እውን ኣብ ዝሓለፉ ዓመታት ንዓውዲ ጥዕና ዝምድቦ ዘሎ በጀት እናዓበየ ከምዝርከብ ሓቢሮም።

ቅድሚ ሑዳት ዓመታት ንዓውዲ ጥዕና ቀጥታ ዝብጀት ዝነበረ ሃፍቲ ከባቢ 70 ቢልዮን ብር ከምዝኾነ ብምዝኽኻር፤ ኣብዚ ሕዚ እዋን መንግስቲ ከባቢ 130 ቢልዮን ብር ሃፍቲ ከምዝመደበ ኣፍሊጦም።

ብተወሳኺ እውን ኣብ ዝሓለፈ ዓመት መንግስቲ 9 ቢልዮን ብር ንዕድጊት መድሓኒት ድጎማ ከምዝገበረ ፀሪሖም።

መንግስቲ ንዓውዲ ሕክምና ዘውፅኦ ወፃኢ ካብ ዝኾነት ጎረቤት ሃገር ከምዝበልፅ እውን ኣረዲኦም።

ዋላ ኳ ንዓውዲ ጥዕና ዝብጀት በጀት እናዓበየ እንተመፀ ምስቲ ዘሎ ድሌት ግና ገና ከምዝኾነ ተዛሪቦም።