ኣብ ኣገልግሎት ሰናይ ፍቓድ ክረምቲ 2 ሽሕን 500 ኣባይቲ ንምህናፅ ትልሚ ተታሒዙ እዩ-ከንቲባ ኣዳነች ኣቤቤ

 

ኣዲስ ኣበባ/ሰነ/ 7/2017 (ኢዜኣ) ኣብ ኣገልግሎት ሰናይ ፍቓድ ክረምቲ 2017 ዓ/ም 2 ሽሕን 500 ኣባይቲ ንምህናፅ ትልሚ ከምዝተትሓዘ ከንቲባ ምምሕዳር ከተማ ኣዲስ ኣበባ ኣዳነች ኣቤቤ ገሊፀን።

ምምሕዳር ከተማ ኣዲስ ኣበባ መርሃ ግብሪ ምኽፋት ኣገልግሎት ሰናይ ፍቓድ ክረምቲ 2017 ዓ/ም ዘካየደ እንትኸውን፤ ኣብዚ መርሃ ግብሪ ከንቲባ ምምሕዳር ከተማ ኣዲስ ኣበባ ኣዳነች ኣቤቤ፣ኮሚሽነር መተሓባበሪ ተሳትፎ ሕብረተሰብን ሰናይ ፍቓድን ምምሕዳር ከተማ ኣዲስ ኣበባ ይመር ከበደን ላዕለዎት ሓለፍቲ ስራሕ እቲ ምምሕዳር ከተማን ተረኺቦም።

ከንቲባ ምምሕዳር ከተማ ኣዲስ ኣበባ ኣዳነች ኣቤቤ ኣብዚ እዋን ከምዝበልዎ፤ ኣገልግሎት ሰናይ ፍቓድ ባህሊ ኮይኑ ክቕፅል ዘለዎ ሰናይ ተግባር እዩ።

ኣብታ ከተማ ኣብ ዝሓለፉ ዓመታት ለውጢ ዝተፈላለዩ ክፋላት ሕብረተሰብን ሰብ ሃፍትን ብምትሕብባር ስራሕቲ ሰናይ ተግባር ተጠናኺሮም ከምዝቐፀሉ ተዛሪበን።

ኣብ ኣገልግሎት ሰናይ ፍቓድ ክረምቲ 2017 ዓ/ም ብርክት ዝበሉ ሰብ ተኮር ስራሕቲ ከምዝሳለጡ ብምሕባር፤ 18 ዝተፈላለዩ ዝተፈላለዩ ስራሕቲ ሰናይ ተግባር ንምስላጥ ከምዝተተለመ ሓቢረን።

እታ ከተማ ምችውትን ንመነባብሮ ትስማዕማዕን ንክትኸውን ዘኽእሉ ስራሕቲ ኣገልግሎት ሰናይ ፍቓድ ከምዝሳለጡ እውን ኣረዲአን።

ስለዝኾነ እውን መርሃ ግብሪ ኣገልግሎት ሰናይ ፍቓድ ክረምቲ 2 ሽሕን 500 ኣባይቲ ኣብ ውሽጢ 90 መዓልትታት ንምህናፅ ከምዝተተለመ ተዛሪበን።

ብተወሳኺ እውን 500 ሽሕ ንዝኾኑ ነበርቲ እታ ከተማ ብተኸታታሊ መኣዲ ናይ ምክፋል ትልሚ ከምዝተትሓዘ ገሊፀን።