ክፍለ ሰራዊትን ሬጅመንትታትን እዚ ኮማንዶን ኣየር ወለድን ልኡኽቶኦም ብዘኹርዕ ኩነታት እናፈፀሙ ይርከቡ-ሌተናል ጄኔራል ሹማ ኣብደታ

 

ኣዲስ ኣበባ/ሚያዝያ 28/2016 (ኢዜኣ) ክፍለ ሰራዊትን ሬጅመንትታትን እዚ ኮማንዶን ኣየር ወለድን ልኡኽቶኦም ብዘኹርዕ ኩነታት እናፈፀሙ ከምዝርከቡ ኣዛዚ እዚ ኮማንዶን ኣየር ወለድን ሌተናል ጄኔራል ሹማ ኣብደታ ተዛሪቦም።

ኣብ ኣፈፃፅማን ዝተረኸበ ውፅኢትን ግቡእ እዚ ኮማንዶን ኣየር ወለድን ዝጠመተ ዘተ ተገይሩ።

ክፈለ ሰራዊታት እቲ እዚ ነቲ ፅንፈኛ ሓይሊ ኣብ ምድምሳስ፣ምምራኽን ኢድ ንክህቡ ኣብ ምግባርን ዝተውሃቦም ሃገራዊ ግቡእ ብዓወት ምፍፃሞምን ዓበይቲ ዓወታት ከምዘመዝገቡን ኣብቲ ዘተ ተገሊፁ።

ኣዛዚ እዚ ኮማንዶን ኣየር ወለድን ሌተናል ጄኔራል ሹማ ኣብደታ፤ እቲ ሰራዊት ብዝለዓለ ጅግንነትን ሃገራዊ ፍቕርን ንፀላኢ ብሓይሊ ብምውቃዕ ጠጠው ኢሉ ክዋገአሉ ኣብ ዘይኽእል ብርኪ ከምዘብፀሖ ብምግላፅ ጅግንነት፣ፅንዓትን ቆራፅነትን እቲ ሰራዊት ካብ ፍቕሪ ሃገር ዝተበገሰ ምዃኑ ሓቢሮም።

ታሪኻዊ ፀላእቲ ምስ ባንዳታት ተለኣኣኽቲ ውሽጢ ዓዲ ብምሕባር ዋላ ኳ እታ ሃገር ሃፍቲ ተፈጥሮኣ ተጠቒማ ንከይትዓብን ህዝባ ኣብ ድኽነት ንክነብርን እንተሓሰቡ እዚ ብምምካት ፀላእታ ዝምነይዋ ዝደኸመትን ዝተበታተነትን ኢትዮጵያ ዘይኮነስ ዝበልፀገትን ጠንካራን ኢትዮጵያ ናብ ወለዶ ንምሽግጋር ኣድላይ መስዋእትነት ንምኽፋል ድሉዋት ኢና ኢሎም።

ኩሉ ኣመራርሓ እዋናዊ ኩነታት ብምርዳእ ንሃገሩን ሰላም ህዝብን ሎሚ እውን ከም ትማሊ ብፅንዓትን ብዘይዕርፍትን ክሰርሕ ከምዘለዎ ከምዘተሓሳሰቡ ካብ ሰራዊት ምክልኻል ዝተረኸበ ሓበሬታ የመላኽት።