ሰብ ሞያ ርክብ ህዝቢ ረብሓ ህዝብን መንግስትን ብዘይጎድእ መልክዑ ሓበሬታ ተበፃሒ ክገብሩ ኣለዎም-ዋና ሓባሲ ንብዓት ዶክተር እንዳለ ሃይሌ

ኣዲስ ኣበባ/መጋቢት 23/2015 (ኢዜአ) ሰብ ሞያ ርክብ ህዝቢ ረብሓ ህዝብን መንግስትን ብዘይጎድእ መልክዑ ሓበሬታ ተበፃሒ ክገብሩ ከምዝግበኦም ዋና ሓባሲ ንብዓት ትካል ሓባሲ ንብዓት ህዝቢ ኢትዮጵያ ዶክተር እንዳለ ሃይሌ ገሊፆም።

ናይ ኢትዮጵያ ዜና ኣገልግሎትን ትካል ሓባሲ ንብዓት ህዝብን ብሓባር ብምዃን ካብ ትካላት ፌዴራል ንዝተውፃእፅኡ ሓለፍትን ሰብ ሞያታትን ርክብ ህዝቢ ክህብዎ ዝፀንሑ ስልጠና ተዛዚሙ።

ኣብ መዛዘሚ እቲ ስልጠና ዝተረኸቡ ዋና ሓባሲ ንብዓት ትካል ሓባሲ ንብዓት ህዝቢ ኢትዮጵያ ዶክተር እንዳለ ሃይሌ፤ ሰብ ሞያ ርክብ ህዝቢ ረብሓ ህዝብን መንግስትን ብዘይጎድእ መልክዑ ሓቃዊ ሓበሬታ ንዜጋታት ናይ ምብፃሕ ግቡእ ኣለዎም ኢሎም።

ሰብ ሞያ ርክብ ህዝቢ ሓቃዊ ሓበሬታ ናብ ህዝቢ ንምብፃሕ ዘለዎም ሕፅረት ንምምላእ ትካል ሓባሲ ንብዓት ህዝቢ ኢትዮጵያ ኣድላይ ደገፍ ከምዝገብር ሓቢሮም።

ዋና ፈፃሚ ስራሕ ኢዜኣ ኣይተ ሰይፈ ደርቤ ብወገኖም፤ ሰልጠንቲ ካብቲ ስልጠና ዝረኸብዎ ፍልጠት ብኣግባቡ ተጠቒሞም ትካሎም ብቕንዕና ከገልግሉ ኣለዎም ኢሎም።

ኢዜኣ ቅድሚ ሕዚ ንዝተፈላለዩ ትካላት ተመሳሰልቲ ስልጠናታት ምሃቡ ብምፅራሕ፤ ኣብ ቀፃሊ እውን እዚ ተግባር እዚ ኣጠናኺሩ ከምዝቕፅለሉ ኣገንዚቦም።