ኣዲስ ኣበባ/ ነሓሰ/23/ 2015 /ኢዜአ/ኣፍሪካ ለውጢከባብያዊ አየር ንምፅዋርን ንምክልኻልን ናይ መከሓሓሲ በጀት ከምዘድልያ ልምዓት በይነ መንግስታት ምብራቕ ኣፍሪካ (ኢጋድ) ኣፍሊጡ። ለውጢከባብያዊ አየር ንምክልኻል ኣፍሪካ ትመርሖ በዓል ብዙሕ ወገን ምትሕብባር ከምዘድሊ እውን ኣገንዚቡ፡፡ ብዋና ፈፃሚ ስራሕ ኢጋድ ወርቅነህ ገበየሁ (ዶ/ር) ዝምራሕ ልኡኽ ኣብ ጉባኤ ለውጢ ከባብያዊ አየር ኣፍሪካ ክሳተፍ ኢዩ፡፡ ኣፍሪካ ንወሰኽ ሙቐት ዓለም ተበርክቶ ኣስተዋፅኦ ኣብዚ እቶ ዝይባሃል እንትኮነ እውን ምስ ለውጢ ከባብያዊ አየር ዝተተሓሓዙ ሓደጋታት እናተጠቕዐት ምፅናሓ ትኹረት ብምግባር ንጉድኣታ ዝግባእ መከሓሓሲ ክትረክብ ትፅቢት ከምዝግበር ካብ ኣቐባሊ ቃል ኢጋድ ዝረኸብናዮ ሓበሬታ የረድእ፡፡ ጉባኤ ለውጢከባብያዊ አየር ኣፍሪካ ከም ኣቆፃፅራ ኣውሮፓውያን ካብ 4 ክሳብ 8 መስከረም 2023 ኣብ ናይሮቢ ኬንያ ክካየድ ኢዩ፡፡

  ደሴ/ነሓሰ 18/2015 (ኢዜኣ) ሰራዊት ምክልኻል ሃገር ሕጊ ካብ ምኽባር ብተወሳኺ ኣብ ዞባ ደቡብ ወሎ ወረዳ ተሁለደሬ ስራሕቲ ፃህያይ ሕርሻ ኣዝርእቲ ዓቕሚ ዘይብሎም ሓረስቶት ኣሳሊጡ። ኣብ ህፁፅ እዋን ኣዋጅ ላዕለዋይ መምርሒ እዚ ኮማንድ ፖስት ሪጅን ምብራቕ ኣምሓራ ኣካቢ ኮማንድ ፖስት ዞባ ደቡብ ወሎን ከተማ ደሴን ብርጋዴል ጀነራል ዘውዱ ሰጥኣርጌ ኣብቲ እዋን ከምዝበልዎ፤ ሰራዊት ምክልኻል ሃገር ልኣላዊ ግዝኣትን ሕግን ካብ ምኽባር ብተወሳኺ ማሕበራዊ ኣገልግሎት ነቲ ሕብረተሰብ ብምሃብ እዩ ዝፍለጥ። ̎ንስራሕ ኣብ ዝንቀሳቐሰሉ ከባቢ ኩሉ መንበሪ ዓቕሚ ዘይብሎም ብምሕዳስ፣ዝራእቲ ሓረስቶት ብምፅሃይ፣ዝበፅሑ ዝራእቲ ብምዕፃድን ብምእካብን ከምኡ እውን ኣብ ካልኦት ስራሕቲ ልምዓት ብምስታፍ ህዝባዊነቱ ብተግባር እናረጋገፀ ይርከብ̎ኢሎም። ኣብ ወረዳ ተሁለደሬ ስራሕቲ ፃህያይ ሕርሻ ኣዝርእቲ ዓቕሚ ዘይብሎም ሓረስቶት ምስላጦም ብምግላፅ፤ እቶም ዝራእቲ እንትበፅሑ እውን ንምዕፃድን ንምእካብን እቲ ሰራዊት ድሉው ምዃኑ ኣረጋጊፆም። ኣብ ዞባ ደቡብ ወሎ እውን 23 ኪሎ ሜትሮ መንገዲ ፀፀር ናብ ኣስስፓልቲ ንምቕያርን ኣብ ወረዳ ሳይንት ብ400 ሽሕ ብር ሓደ ቤት ትምህርቲ ብርኪ ንምምሕያሽን ከምዝተለመ እውን ተዛሪቦም። ኣባል እቲ ሰራዊት ዝኾነት ወታደር ትብለፅ ጌታቸው ከምዝበለቶ፤ ̎ንሕና ካብ ዝተፈላለዩ ብሄር ብሄረሰባት ዝተውፃእፃእና ደቂ ህዝቢ ስለዝኾንና ጎድና ጎድኒ ምኽባር ሕጊ ነቲ ሕብረተሰብ ብምግልጋል ህዝባዊነትና ብተግባር እናረጋገፅና ኢና̎ኢላ። ሕጊ ንምኽባር ኣብ ዝኸድናሉ ኩሉ ከባቢ ህዝብና ብጉልበትና እውን ብምግልጋል ፍቕርና ብተግባር እናርኣይና ኢና ዝበሉ ድማ ሻለቃ መላኩ ቶላ እዮም። ምክትል ሓላፊ መምርሒ ግብርና ዞባ ደቡብ ወሎ ኣይተ ደመቀ ኣድማሱ ብግደኦም፤ ሰራዊት ምክልኻል ሕጊ ካብ ምኽባር ብተወሳኺ በቶም ዘሳልጦም ዘሎ ስራሕቲ ደገፋት ህዝባዊነቱ እናረጋገፀ እዩ ኢሎም። ሓረስታይ ወረዳ ተሁለደሬ ጣብያ 08 ኣይተ መሓመድ ዓሊ፤ ኣብ እዋን ክረምቲ ዘልምዕዎ ሕርሻ ስርናይን ጣፍን ብምኽንያት ጥዕና ምስኣን ከይተፀሃየ ምፅንሑ ብምግላፅ ሰራዊት ምክልኻል እቲ ሕርሸኦም ምፅሃዩ ከምዝተሓጎሱን እቲ ሰራዊት እውን ውላድ ህዝቢ ምዃኑ መርኣያ ምዃኑን ገሊፆም።

  አዲስ አበባ/ነሓሰ/17/2015/ኢዜአ/ ኣብ ዓለም እናወሰኸ ንዝመፅአ ለውጢ ነባሪ ኣየር ንምፅዋር ኢትዮጵያ እናተግበረቶ ትርከብ ሓምለዋይ አሰር ንሃገራት ኣፍሪካ ትምህርቲ ዝህብ ከምዝኾነ ሚኒስትራት ሓለዋ ከባቢ ኣፍሪካ ገሊፆም። ሓምለዋይ አሰር ኢትዮጵያ ንሃገራት እቲ ከባቢ 'ውን ዝጠቅም ከምዝኾነ በዓልመዚ ሓለዋ ከባቢ ኡጋንዳ ኣፍሊጡ። ኣምባሳደር ዘፈር ሓምለዋይ ልምዓት ሕብረት ኣፍሪካ ታቢ ጂዳ ከምዝተዛረብዎ፤ ኢትዮጵያ እናተግበረቶ ትርከብ ሓምለዋይ አሰር ኣብ ሓለዋ ከባቢ ንዝሰርሓ ኩለን ሃገራት ዝኸውን ውፅኢት ጠቓሚ ተመኩሮ ዝተረኸቦ 'ዩ። ሃገራት ኣፍሪካ ድርቅን በረኻነትን ንዘስዕቦ ጉድኣት ንምንካይ ኣብ ሓምለዋይ አሰር ሓደሽቲ ስራሕቲ ክሰርሓ ኣለወን ዝበሉ ኣምባሳደር ታቢ፤ ናብ ሓደጋ ምዝባዕ ነባሪ ኣየር ተቓላዕቲ ዝኾና ሃገራት ብዕርቃን መሬት ንዝበፅሐን ፀገም ንምክልኻል ንመንገዲ ኢትዮጵያ ክስዕባ ይግባእ ኢሎም። ኢትዮጵያ ኣብ ሓምለዋይ ዓሻራ ዘርአየቶ ምልዕዓል ክምስገን ዝግብኦ ከምዝኾነ ሓቢሮም፤ ልክዕ ከም ኢትዮጵያ መራሕቲ ካልኦት ሃገራት ኣፍሪካ ንነባሪ ኣየር ግቡእ ጠመተ ክህቡ ከምዝግባእ በዓልመዚ ሓለዋ ከባቢ ኡጋንዳ.አገንዚቦም ።

  ኣዲስ ኣበባ/ ነሓሰ/17 /2015 /ኢዜአ/ካልኣይ ምዕራፍ ቀዳማይ ዓመት መርሃ ግብሪ ካብ ዝጅመር ኣትሒዙ ክሳብ ሕዚ 7 ነጥቢ 3 ቢሊየን ፈልሲታት ከምዝተተኸሉ ሚኒስቴር ሕርሻ ኣፍሊጡ፡፡ ኣብቲ ሚኒስቴር መራሒ ፈፃሚ ስራሕ ልምዓት ሃፍቲ ተፈጥሮ፣ ሓለዋን ኣጠቓቕማን ኣይተ ተፈራ ታደሰ÷ ኣብ ዝሓለፉ ኣርባዕተ ዓመታት ዝተወገኑ ስራሕቲ ተሞክሮ ብምውሳድን ክፍተታት ብምምላእን ኣብዚ ዓመት ዕዉት ስራሕ ከምዝተሰርሐ ኣብሪሆም፡፡ ብምዃኑ ኣብ ኩለን ክልላት ምምሕዳር ከተማታትን እኹል ምድላው ብምስርሑ÷ ክሳብ ዝሓለፈ ሰሙን ብዝተኣከበ ሓበሬታ ልዕሊ ትልሚ ምዕዋት ከምዝተኽኣለ ገሊፆም፡፡ ክሳብ ሕዚ ዝተተኸሉ ፈልሲታት÷ ንደኒ ዝኾኑ፣ ኣርቃይ፣ ኩለመዳይ ጥሙር ሕርሻ ደኒ፣ ፍረምረ ን ፈልሲታት ስነ-ፅባቐን ከምዝኾኑ እውን ተዛሪቦም። ኣብቲ ስራሕ ብዙሓት ክፋላት ሕብረተሰብ ከምዝተሳተፉ ዝበሓሩ ኣይተ ተፈራ ብ53 ነጥቢ 3 ሚሊየን ምልልሳት 7 ነጥቢ 3 ቢሊየን ፈልሲታት ከምዝተተኸሉ ኣረጋጊፆም፡፡

አዲሰ አበባ /ነሓሰ/13/2015/ኢዜአ/ ኣብ ካናዳ እትርከብ ግዝኣት ምዕራባዊ ብሪቲሽ ኮሎምብያ፡ ያልርዕ ሓዊ ብዙሓት መንበሪ ኣባይቲ ከየዕኑ ስግኣት ስለዘሎ ህጹጽ ኣዋጅዊጃ። ኣመሓዳሪ እታ ግዝኣት ዴቪድ ኤቢ እቲ ባርዕ ኣዝዩ ቅልጡፍ ካብምዃኑ ዝተልዓለ ኣብ ዝቕጽሉ ሒደት መዓልትታት ንምዐጋት አፀጋሚ ኩነታት ክፍጠር ከምዝኽእል ኣጠንቂቑ’ሎ። እቲ ኣብ ማክዱጋል ክሪክ ዝተኸሰተ ባርዕ ኣብ ውሽጢ 24 ሰዓታት ካብ 64 ሄክታር ናብ 6 ሽሕ 8 ሚኢትን ሄክታር ከምዝሰፍሐ ተፈሊጡ። ኣስታት 4800 ሰባት ካብቲ ከባቢ ክርሕቑ መምርሒ ተዋሂብዎም ኣሎ። ብተመሳሳሊ ኣብ ሰሜናዊ ምዕራብ ካናዳ ዝቕመጡ ኣስታት 22 ሽሕ ሰባት ብሰንኪ ሓደጋ ባርዕ ካብ ቤቶም ተመዛቢሎም ኣለው። ነበርቲ እታ ከተማ ብነፋሪትን መኻይንን ተጠቒሞም ክወጽኡ ክወጽኡ ተራእዮም። እቲ ኣብ ካናዳ ዘጋጥም ዘሎ ባርዕ ኣብዚ ቀረባ እዋናት ካብ ዝተኸሰቱ ሓደጋታት እቲ ዝኸፍአ ከምዝኾነ ይግለጽ። “ኣብዚ ዓመት እቲ ዝሓየለ ሓደጋ ባርዕ’ዩ ገጢሙና ዘሎ” ዝበለ ኣመሓዳሪ እታ ግዝኣት፡ “ናህሪ ናይቲ ሓደጋ ባርዕ ኣብ ግምት ኣእቲና ኣዋጅ ህጹጽ ግዜ ኣዊጅና ኣሎና” ኢሉ። እቲ ኣመሓዳሪ ብተወሳኺ “ሕብረተሰብ ንምርዳእ ዘለና ሜላታት ንጥቀም ኣለና” ኢሉ። ብዙሓት ሰባት ካብቲ ከባቢ ክወጽኡ ከምዝተገበረ ዝሓበረ ኤቢ፡ “ነበርቲ ኣገዳሲ ዘይኮነ ምንቅስቓስ ደው ንከብሉ ዘቕረብናዮ መጸዋዕታ ዘየኽብሩ እንተድኣኾይኖም ግን ኣብቲ ኣዋጅ ናይ መገሻ ገደባት ክግበር ይኽእል’ዩ” ኢሉ። ሓደ ንቢቢሲ ቃለ መሕትት ዝሃበ ነባሪ ኬሎዉና፡ እቲ ባርዕ ብጎቦታት ከምዝመጽአን ልክዕ ከምዚ ደበና ተመሲሉ ምምጽኡ ገሊጹ። ሓላፊ ምክልኻል ሓደጋ ባርዕ ምዕራብ ኬሎዉና ጃሶን ብሮሉንድ ነቲ ኩነታት ኣዕናዊ ክብል ገሊጽዎ። ክሳብ ሕጂ ዘጋጠመ ናይ ሞት ሓደጋ የለን። ኣብታ ከተማ ዝርከብ ዓለም ለኻዊ ማዕርፎ ነፈርቲ ብጀካ ንምክልኻል ሓደጋ ባርዕ ዘገልግላ ነፈርቲ ኩሉ ዓይነት ኣገልግሎት ደው ከምዘበለ ተፈሊጡ። ከምቱ ከማና ሓምለዋይ አሰር ምንባር ዘየማትእ እዩ።

  ኣዲስ ኣበባ/ነሓሰ 8/2015 (ኢዜኣ) መርሃ ግብሪ ሓምለዋይ ኣሰር ኢትዮጵያ ንዘላቒ ሓለዋ ማይ ብዘለዎ ረብሓ ሃገራት ከም መርኣያ ወሲደን ክትግብርኦ ከምዝግባእ ሚኒስትር ማይን ኢነርጅን ኢንጂነር ሃብታሙ ኢተፋ ገሊፆም። እቶም ሚኒስትር ንኢዜኣ ከምዝበልዎ፤ ካብ 2011 ዓ/ም ጀሚሩ እናተተግበረ ዘሎ መርሃ ግብሪ ሓምለዋይ ኣሰር ንዘላቒ ሓለዋ ማይ ልዑል ረብሓ ኣለዎ። እቲ መርሃ ግብሪ ለውጢ ከባብያዊ ኣየር ንምፅዋርን ንሓለዋ ሃፍቲ ማይን ብዘለዎ ረብሓ ካልኦት ሃገራት ከም መርኣያ ክወስደኦን ክትግብርኦን ከምዝግባእ ሓቢሮም። እቲ ሚኒስቴር ምስ ካልኦት ተፀዋዕቲ ትካላት ብምትሕብባር ስራሕቲ ሓለዋ ሃፍቲ ማይ ውፅኢታዊ ንክኾኑ ዘኽእሉ ስራሕቲ መፅናዕትን ምርምርን እናካየደ ምዃኑ እውን ተዛሪቦም። ኢትዮጵያ ኣብቲ ቀዳማይ ምዕራፍ መርሃ ግብሪ ሓምለዋይ ኣሰር 25 ቢልዮን ፈልስታት ከምዝተኸለት ዝዝከር እንትኸውን ኣብ 2ይ ምዕራፍ መርሃ ግብሪ ሓምለዋይ ኣሰር እውን 25 ቢልዮን ፈልሲ ንምትካል ብምትላም ኣብ ናይ ሎሚ ዘበን ክረምቲ ልዕሊ 6 ነጥቢ 5 ቢልዮን ፈልስታት ንምትካል እናተሰርሐ ይርከብ።

  ኣዲስ ኣበባ/ነሓሰ 8/2015 (ኢዜኣ) ኣብ ናይ ሎሚ ዘበን መርሃ ግብሪ ሓምለዋይ ኣሰር ኣብ ከተማ ኣዲስ ኣበባ ክሳብ ሕዚ ልዕሊ 16 ሚልዮን ፈልስታት ከምዝተተኸሉ ቢሮ ልምዓት ሓምለዋይን ፀባቐ ከተማን ምምሕዳር ከተማ ኣዲስ ኣበባ ኣፍሊጡ። ቀዳማይ ሚኒስትር ዶክተር ኣብይ ኣሕመድ 1 ሰነ 2015 ዓ/ም ̎ፅባሕ ሎሚ ንትከል̎ኣብ ትሕቲ ዝብል መሪሕ ሓሳብ 2ይ ምዕራፍ መርሃ ግብሪ ሓምለዋይ ኣሰር ኣብ ክልል ዓፋር ከምዘጀመሩ ዝዝከር እየ። ኣብዚ መርሃ ግብሪ ኣብ ከተማ ኣዲስ ኣበባ 17 ሚልዮን ፈልስታት ንምትካል ዝተተለመ እንትኸውን ክሳብ ሕዚ ልዕሊ 16 ሚልዮን ፈልስታት ከምዝተተኸሉ ቢሮ ልምዓት ሓምለዋይን ፅባቐ ከተማን ምምሕዳር ከተማ ኣዲስ ኣበባ ኣፍሊጡ። ኣማኻሪ ቴክኒክ እቲ ቢሮን ተወካሊ ዳይሬክተር ልምዓት ተፋሰስን ሓምለዋይን ስንታየሁ መንግስቱ፤ ናይ ሎሚ ዘበን መርሃ ግብሪ ተኸላ ፈልሲ ሓምለዋይ ኣሰር ምስላጥ ዘኽእሉ ስራሕቲ ቅድመ ምድላው ብምስላጥ ናብ ስራሕ ከምዝተኣተወ ገሊፆም። እቲ ቢሮ ስራሕቲ ዝተተኸሉ ፈልስታት መጠን ፅድቀቶም ምክትታልን ዘይፀደቑ ድማ ዳግማይ ምትካልን ከሳልጥ ኣለዎ ኢሎም።

ኣዲስ ኣበባ/ ነሓሰ/8/ 2015 /ኢዜአ/ኣብ ክልል ትግራይ ኣጋጢሙ ዘሎ ወራር ዕስለ ኣንበጣ ንምክልኻል ብርእሰ ምምሕዳር ግዚያዊ ምምሕዳር ዝምራሕ ሓይሊ ዕማም ብምጥያሽ ስራሕ ከምዝጀመረ ተገሊፁ። ርእሰ ምምሕዳር ግዚያዊ ምምሕዳር ክልል ትግራይ ኣይተ ጌታቸው ረዳ ሎሚ ኣብ ዝሃብዎ መግለፂ ኣብ ዞባታት ምብራቕ፣ ደቡብ ምብራቕን ደቡብን ትግራይ ሓያል ዕስለ ኣንበጣ ከምዘሎ ኣብሪሆም። ኣይተ ጌታቸው ረዳ ከም ዝሓበርዎ÷ ኣብ ትግራይ ኣጋጢሙ ዘሎ ወራር ኣንበጣ ንምክልኻል ዘኽእል ሓይሊ ዕማም ተጣይሹ ናብ ስራሕ ክኣቱ ተገይሩ ኣሎ። እዚ ሓይሊ ዕማም ምክልኻል ኣንበጣ÷ ብርክት ዝበላ ኣብያተ ዕዮታት ግዚያዊ ምምሕዳር ዝሓቖፈ ከምዝኾነን ናይ ባዕሉ ትልሚ ኣውፅኡ ናብ ተግባር ክኣቱ ኣንፈት ከምዝተነፀረን ገሊፆም። ዕስለ ኣንበጣ ኣብ ዝተርኣየሎም ሰለስተ ዞባታት ብዝተጠናኸረን ብዝተወደበን መንገዲ ምክልኻል እናተገበረ ምዃኑ ዝሓበሩ ኣይተ ጌታቸው ህዝቢ ዞባታት ምብራቕ፣ ደቡብ ምብራቕን ደቡብን ዘካይዶ ንዘሎ ዝተወደበ ምክልኻል ዘለዎም ናእዳ ገሊፆም። “ዕስለ ኣንበጣ ኣብ ቀፃሊ እውን ስፍሓቱን መጠኑን ክውስኽ ስለዝኽእል ካብ ላዕሊ ክሳብ ታሕቲ ዘሎ መሪሕነት ቀንዲ ውራዩ ምክልኻል እዚ ዕስለ ክኸውን ኣለዎ” ክብሉ ኣገንዚቦም። እቲ ሕዚ ተራኢዩ ዘሎ ይኹን ቀፂሉ ክመፅእ ዝኽእል ዕስለ ኣንበጣ ብዝግባእ ንምክልኻል ምስ መንግስቲ ፌዴራል ተሓባቢርካ ምስራሕ ከምዘድሊ ዝሓበሩ እቶም ርእሰ ምምሕዳር ማሕበረሰብ ዓለም እኹል ድጋፍ ንኽገብር ከምዝስራሕ ምግላፆም ቤት ፅሕፈት ጉዳያት ኮሙዩኒኬሽን እቲ ግዚያዊ ምምሕዳር ዝረኸብናዮ ሓበሬታ የረድእ።

  ኣዲስ ኣበባ/ነሓሰ 6/2015 (ኢዜኣ) ዓለም ለኸ መዓልቲ መናእሰይ ብብርኪ ሃገር ንመበል 20 ግዘ ኣብ ክልል ሶማሌ ከተማ ጅግጅጋ እናተኸበረ ይርከብ። እቲ መዓልቲ ̎ሓምለዋይ ክእለት መናእሰይ ንዘላቒ ልምዓት̎ኣብ ትሕቲ ዝብል መሪሕ ሓሳብ እዩ ዝኽበር ዘሎ። ኣብቲ መርሃ ግብሪ፤ ርእሰ ምምሕዳር ክልል ሶማሌ ሙስጠፌ መሐመድ፣ሚኒስትር ጉዳይ ደቂ ኣንስትዮን ማሕበራውን ዶክተር ኤርጎጌ ተስፋዬ፣ሚኒስትር ዲኤታታት እቲ ሚኒስቴር፣ካልኦት ኣመራርሓ ክልልን ፌዴራልን ተረኺቦም። ኣመራርሓ ፌዴራልን ክልልን ነቲ መዓልቲ ኣመልኪቶም ተኸላ ፈልሲ ሓምለዋይ ኣሰር ምክያዶም ካብ ሚኒስቴር ጉዳይ ደቂ ኣንስትዮን ማሕበራውን ዝተረኸበ ሓበሬታ የመላኽት። ዓለም ለኸ መዓልቲ መናእሰይ ብብርኪ ዓለም ንመበል 23 ግዘ ብዝተፈላለዩ ምድላዋት እናተኸበረ ይርከብ።

  ሃረር/ነሓሰ 6/2015 (ኢዜኣ) ሚኒስቴር ባህልን ስፖርትን ኣብ ትሕቲኡ ዝርከቡ ተፀዋዕቲ ትካላትን ኣብ ክልል ሃረሪ ሓምለዋይ ኣሰሮም ኣንቢሮም። ኣብ ማእኸል ባህሊ ሃረር ሎሚ ኣብ ዝተኻየደ መርሃ ግብሪ ተኸላ ፈልሲ፤ ሚኒስትር ባህልን ስፖርትን ኣይተ መርዳሳ ቀጀላ፣ኣፈ ጉባኤ ቤት ምኽሪ ክልል ሃረሪ ኣይተ ሱልጣን ኣብዱሰላም፣ሰራሕተኛታት እቲ ሚኒስቴርን ኣመራርሓ ተፀዋዕቲ ትካላትን ከምኡ እውን ላዕለዎት ሓለፍቲ ስራሕ ክልል ሃረሪ ተሳቲፎም። ኣመራርሓን ሰራሕተኛታትን ሚኒስቴር ባህልን ስፖርትን ተፀዋዕቲ ትካላትን ኣብቲ ክልል ኣብ ዝህልዎም ፃንሒት ዓቕሚ ንዘይብሎም ተምሃሮ ደገፍ ናውቲ ትምህርቲ ከምዝገብሩ ተሓቢሩ። ብተወሳኺ እውን መንበርታት ሓጋዝን ሓብሓብን ዘይብሎም ዓቕመ ደካማታት ምሕዳስን ኣገልግሎት ሰናይ ፍቓድ ክርመትን ከምዘሳልጡ ትፅቢት ይግበር።

  ኣዲስ ኣበባ/ ነሓሰ/5/ 2015 /ኢዜአ/ኣብ ጨንፈር ቤት ፅሕፈት ጉምሩኽ ዓለም ለኸ መዕርፎ ነፈርቲ ቦሌ 29 ነጥቢ 2 ኪሎ ግራም ዝምዘን ኮኬይን ዝተብሃለ መዕወኒ ሓሽሽ ተታሒዙ፡፡ እቲ ዝተትሓዘ ኮኬይን ዝተብሃለ መዕወኒ ሓሽሽ÷ 247 ሚሊየን ብር ዋጋ ዘለዎ ምዃኑ ካብ ኮሚሽን ጉምሩኽ ዝረኸብና ሓበሬታ የረድእ፡፡ መበገሲኣ ብራዚል ብዝገበረት ኣውሮፕላን ተፃዒኑ ኣብ ዓለም ለኸ መዕርፎ ነፈርቲ ቦሌ ዝበፅሐ መዕወኒ ሓሽሽ ከምዝኾነ እውን ተገሊፁ፡፡ ሰራሕተኛታት ጨንፈር ቤት ፅሕፈት ጉምሩኽ ኤርፖርት ኣዲስ ኣበባ ብዝገበሩዎ ተፍትሽ ክተሓዝ ከምዝኸኣለ ተሓቢሩ፡፡ መምርሒ ሲቪል ኣቪየሽን ኢትዮጵያ፣ ሰራሕተኛታት መገዲ ኣየር ኢትዮጵያን ኣመራርሓታት ፖሊስ ፌዴራልን እውን እቲ መዕወኒ ሓሽሽ ንኽተሓዝ ልዑል ፃዕሪ ከምዝገበሩ ተመልኪቱ፡፡

  ኣዲስ ኣበባ/ ነሓሰ/5/ 2015 /ኢዜአ/ኣብ ዞባ ደቡብ ክልል ትግራይ ኣብ መዳይ ወፍሪ ምስሳን ምህርቲ ሕርሻን ምዕዋት ክረምታዊ መደባትን ዝጥምት መድረኽ ዘተ ተሳሊጡ ። ኣብቲ መድረኽ ኣብ መዳይ ብርሰት ኣግራብ፣ ጨፍጫፍ ደንን ሳዕቤናቱን ዝጥምቱ ፀብፃባት ንምይይጥ ቐሪቦም ብዑምቆት ከም ዝተዘተየሎምን ተሓቢሩ። ሓላፊ ዘፈር ስግግር ዕቤት ቑጠባ ግዝያዊ ምምሕዳር ክልል ትግራይ ኣይተ በየነ መኩሩ፥ እቲ መድረኽ ኣብ ልዕሊ ሃፍቲ ተፈጥሮን ልምዓት ደንን ዝበፅሕ ዘሎ ዕንወትን ብርሰትን ንምቁፅፃር ወሳኒ ግደ ኣለዎ ኢሎም። እቲ መደብ ንክዕወት ድማ ኩሎም ዓቕምታት ኣዋዲድካን ኣሳቲፍካን ምስራሕ ከምዘድሊ ምሕባሮም ተገሊፁ። “ኣብ ትግራይ ዝነበረ ኣዕናዊ ኲናት ኣብ ልዕሊ ሃፍቲ ተፈጥሮና ከቢድ ጉድአት ኣብፂሑ እዩ፤ በዚ እውን ኣዝዩ ትሑት ቑጠባ እዩ ዘለና” ዝበሉ እቶም ሓላፊ፥ ካብዚ ንምንጋፍ ዕቱብ ዝኾነ ስራሕ ከስራሕ ከምዝግባእ ሓቢሮም። ዋና ኣመሓዳሪ ዞባ ደቡብ ትግራይ ኣይተ ሃፍቱ ኪሮስ፥ ኣብ ሕሉፍ ዓለምለኸ ሞገስን ኣፍልጦን ረኺብናሉ ዝነበረ ልምዓት ሃፍቲ ተፈጥሮ ብሰንኪ ኲናት ከቢድ ሃሰያ በፂሕዎ ቑጠባና እውን ተዳኺሙ እዩ ኢሎም። ነዚ ናብ ንቡር ንምምላስ ኣብ ልምዓት ሃፍቲ ተፈጥሮ ትኹረት ሂብካ ምስራሕ ከምዘድሊ መግላፆም ኣብ ቤት ፅሕፈት ጉዳያት ኮሙዩኒኬሽን ግዚያዊ ምምሕዳር ክልል ትግራይ ዝረኸብናዮ ሓበሬታ የረድእ። ኣብቲ መድረኽ ኣመራርሓን ሰብሞያን ሕርሻ፣ ኣካላት ፀጥታ፣ ዓቀብቲ ሕጊ፣ ዳያኑ፣ ኣመራርሓ ወረዳን ጣብያታትን ከምኡውን ካልኦት ዝምልከቶም ኣካላት ምስታፎም ተሓቢሩ።

ኣዲስ ኣበባ/ ነሓሰ/1/ 2015 /ኢዜአ/ኣብ ክልል ትግራይ ዞባ ደቡብ ምብራቕ፣ ወረዳ ሕንጣሎ፣ ስራሕቲ ምዕቃብ ጠሊ ተጀሚሩ። እቲ ወፍሪ ጠሊ ምዕቃብ ካብ 01 ክሳብ 10 ነሓሰ 2015 ዓ/ም ከምዝፀንሕ ተገሊፁ። ጎኒ ንጎኒ እቲ ወፍሪ፥ ኣብ ኣድላይነትን ረብሓን ስራሕቲ ምዕቃብ ጠሊ ጠመተ ዝገበረ ሰብ ሰፊሕ ጎስጓስ ማሕበረሰብ ተጀሚሩ ከምዘሎ ካብ ቤት ፅሕፈት ጉዳያት ኮሙዩኒኬሽን ግዚያዊ ምምሕዳር ክልል ትግራይ ዝረኸብናዮ ሓበሬታ የረድእ።

  ኣዲስ ኣበባ/ ሓምለ /26/ 2015 /ኢዜአ/ኣብ ክልል ደቡብ ዞባ ጌዴኦ ዝርከብ ባህላዊ መልክዓ ምድሪ ጌዴኦ ኣብ ውድብ ሕቡራት መንግስታት ትካል ትምህርቲ፣ ሳይንስን ባህሊን (ዩኔስኮ) ንኽምዝገብ እናተሰርሐ ምዃኑ መምርሒ ባህሊን ቱሪዝምን እቲ ዞባ ገሊፁ። ኣብ ዩኔስኮ ካብ ሞንጎ ዝምዝገቡ ኣተሓሕዛ መሬት ማሕበረሰብ ጌዴኦ ሓደ ከምዝኾን ብምሕባር÷ ኣብ ትሕቲኡ ጥንታዊ ኣሰር ስልጣነ ዝኾኑ ታሪኻዊ ሓድጊታት፣ ትኹላት ኣእማን፣ ኣብ ባዓቲ ዝርከቡ ፅሑፋት ከምኡ እውን ብባህላዊ መገዲ ጥራሕ ዝመሓደሩ ደኒታት ይርከቡዎም፡፡ ኣብ ከይዲ ምምዝጋብ እቲ ሓድጊ÷ ሰብ ሞያ ውሽጢ ሃገርን ወፃኢን እናተሳተፉ ከምዝኾኑ ብምግላፅ÷ ኣብ ዩኔስኮ ንምምዝጋብ ዘድልዩ ሰነዳት ከምዝተሰናድኡ ኣፍሊጡ፡፡

  አዲስ አበባ /ሓምለ/25/2015/ኢዜአ/ ንብሄራዊ ፓርኪ ባሌ ተራሮች ኣብ ትካል ትምህርቲ፣ ሳይንስን ባህልን ሕቡራት መንግስታት (ዩኔስኮ) ቅርሲ ዓለም ንምምዝጋብ ኣብ መወዳእታ ምዕራፍ ከምዝተበፅሐ ተገሊፁ። ኣብ በዓልመዚ ሓለዋ እንሰሳ ዘገዳም ኢትዮጵያ መራሒ ስራሕ ፈፃሚ ምምሕዳር ብሄራዊ ፓርኪታት ዶክተር ኣዳነ ፀጋዬ ንትካል ፕሬስ ኢትዮጵያ ከምዝተዛረብዎ፤ ንብሄራዊ ፓርኪ ባሌ ተራሮች ብዓለም ለኸ ቅርስነት ንምምዝጋብ ዝሕግዙ ኣድለይቲ ሰነዳት ናብ ዩኔስኮ ቀሪቦም። ዩኔስኮ ዝለኣኾም ሰብሞያታት ናብ ብሄራዊ ፓርኪ ባሌ ብምኻድ ናብ ትካሎም ዝተልኣኸ ሰነድ ምስ ነባራዊ ኩነታት እቲ ፓርኪ ብምንፅፃር ክስተኻኸሉ ኣብ ዝግብኦም ጉዳያት ርኢቶ ሂቦም ክብሉ ተዛሪቦም። ብመሰረት እቲ ርኢቶ ነቲ ፓርኪ ዝግብኦ ሓለዋን ምስ ዘይሕጋዊ ስራሕቲ ሃደንን ተተሓሒዙ ኣድላዪ ስጉምቲ እናተወሰደ ከምዝርከብ ገሊፆም። ዘይሕጋዊ ሃደንን ሰፈራን ነቲ ፓርኪ ኣብ ዩኔስኮ ንምምዝጋብ ንዝተጀመረ ፃዕሪ ንከየሰናኽል ምስ ማሕበረሰብ እቲ ከባቢ ብምውዳድ መፍታሒ ስራሕቲ እናተሰርሑ ከምዝርከቡ ሓቢሮም። ኣብ ቀረባ ምስ ክልል ኦሮሚያ ብምትሕብባር ብምክትል ርእሰ ምምሕዳር እቲ ክልል ዝምራሕ ኮሚቴ ተጣይሹ መፍትሒ መማረፅታት ንምምልኻት ዝሕግዝ ምኽክር ከምዘካየደ አመልኪቶም።

  ኣዲስ ኣበባ/ ሓምለ /24/ 2015 /ኢዜአ/ሚኒስቴር ኢንዱስትሪ ኣብ ክልል ደቡብ ምዕራብ ኢትዮጵያ ዞባ ቤንች ሸኮ ን300 ተምሃሮ ደገፍ ናውቲታት ትምህርቲ ገይሩ። ሚኒስትር ኢንዱስትሪ ኣይተ መላኩ ኣለበል፥ ነቲ ደገፍ ኣረኪቦም። ብመሰረት እዚ 3 ሺሕ 600 ጥራዝ፣ 300 ቦርሳ ተምሃሮ፣ 600 ቢሮ ደገፍ ከምዝተገበረ ተገሊፁ። ኣብቲ ወረዳ 10 ኣባይቲ ዓቕሚ ንዘይብሎምን ኣረጋውያንን ሃኒፁ ከምዘረክብ ኣብ ኮሚኒኬሽን እቲ ክልል ዝረኸብናዮ ሓበሬታ የረድእ።

አዲስ አበባ /ሓምለ/21/2015/ኢዜአ/ ድሕንነት ህዝብን ሃገርን ካብ ምርግጋፅ ሓሊፉ ንዕውትነት መርሃ ግብሪ ሓምለዋይ አሰር 'ውን ጠመተ ብምሃብ ላዕለዎት ኣመራርሓታትን ኣባላት ስታፍን እቲ እዚ ኣብ ከባቢ መንበሪን ካምፕን ብርክት ዝበሉ ሃገር በቆል ፈልስታት ከምዝተኸሉ ሜጄር ጄኔራል ፍቃዱ ፀጋዬ ተዛሪቦም። ብብርኪ ሃገር እናተኻየደ ኣብ ዝርከብ መርሃ ግብሪ ሓምለዋይ አሰር ኣባላት እቲ እዚ ንምግብነት ዝውዕሉ ኣትክልትታት ብምትካል ኣብ ቀፃሊ ዓርሱ ምጥቃም ንክኽእል ኣድላዪ ክንክን እውን እናገበረ ከምዝርከብ ኮሎኔል ንጋቱ ኣዱኛብግዲኦም ገሊፆም። ብተዛማዲ ኮሎኔል ሃሰን ሰይድ እቲ ሰራዊት ጎጎ ጎኒግቡእ ስርሓቱ ዝተፈላለዩ ንምግቢ ዝውዕሉ ኣትክልትታት ካብ ምትካል ብተወሳኺ ኣብ ምክንኻን ጠመተ ከምዝገበረ ገሊፆም። ካብ እዚ ሓሊፉ ሳሓባይ ማራኽን ምችውን ከባቢ ስራሕ ንምፍጣር ዝዕድም እዩ ኢሎም።

  ኣሶሳ/ሓምለ 20/2015 (ኢዜኣ) ብመተሓባበሪነት ቤት ፅሕፈት ቀዳማይ ሚኒስትር ጉጅለ ላዕለዎት ሓለፍቲ ስራሕ ክልል ቤንሻንጉል ጉሙዝን ፌዴራልን ስራሕቲ ሰናይ ፍቓድ ክረምቲ ኣብ ኣሶሳ እናካየደ እዩ። ዕላምኡ ድማ ሃገራዊ ሓድነት ምጥንኻር ምዃኑ ኣብ ቤት ፅሕፈት ቀዳማይ ሚኒስትር ሚኒስትር ዲኤታ ጉዳያት ካቢኔን መተሓባበሪ እቲ ጉጅለን ኣይተ ተስፋዬ ዳባ ንኢዜኣ ገሊፆም። እቲ ሃገራዊ ፕሮግራም ትልሚ ስራሕ ሰናይ ፍቓድ ክረምቲ እቲ ክልልን ሃገርን ንምዕዋት ኣስተዋፅኦ ከምዘለዎ ርእሰ ምምሕዳር እቲ ክልል ኣይተ ኣሻድሊ ሓሰን ተዛሪቦም። እቲ መርሃ ግብሪ፤ ኣብ መንጎ ሕብረተሰብ ምትሕስሳብን ሓባራዊነትን ከምዘጠናኽር ኣረዲኦም። እቲ ጉጅለ፤ ኣካል 2ይ ምዕራፍ መርሃ ግብሪ ሓምለዋይ ኣሰር ዝኾነ መርሃ ግብሪ ተኸላ ፈልሲ ኣብ ከተማ ኣሶሳ ጎቦ ኢንዚ ኣሳሊጡ። ከምኡ እውን ኣብ ከተማ ኣሶሳን ከባቢኡን ዝርከቡ ዓቕሚ ናይ ዘይብሎም ወገናት ሕድሳት መንበርታትን ህንፀት ቤት ትምህርትን ከጀምር እዩ ተባሂሉ ትፅቢት ይግበር።

  አዲስ አበባ/ሓምለ/18/2015/ኢዜአ/ ኣብ ሮም ጣልያን እናተኻየደ ምስ ዝርከብ ስሩዕ ኣኼባ ጉባኤ ስርዓት ምግቢ ዓለም ጎናጎኒ ኣብ መንጎ ቱርክን ኢትዮጵያን ስራሕቲ ሓለዋ ከባቢ ንምጥንኻር ዘኽእል ዘተ ተገይሩ። ኣብቲ ጉባኤ እናተሳተፉ ዝርከቡ ዋና ዳይሬክተር በዓልመዚ ሓለዋ ከባቢ ኢትዮጵያ ዶክተር ጌታሁን ጋረደው ምስቲ ስሩዕ ኣኼባ ጎናጎኒ ምስ ዋና ዳይሬክተር ኣውሮፓን ርክብ ወፃእን ቱርክ ፉኣት ካሳሚካን ስርዓት ሓለዋ ከባቢ ንምጥንኻር ዘኽእል ምኽክር ኣካይዶም። እቲ ዘተ ኣብ መንጎ ክልቲአን ሃገራት ምትሕብባር ንምፍጣር ኣብ ዝሕግዙ ጉዳያት አብ ሓለዋ ከባቢ፣ ኣተሓሕዛ ኬሚካልን ሓደገኛ ጉሓፍን፣ ብኽነት ፍርያት ምግቢ፣ ስግግር ቴክኖሎጅን ልምዓት ሓይሊ ሰብን ዝጠመተ እዩ። ዶክተር ጌታሁን ጋረደው ኢትዮጵያ ኣብቲ ዘፈር እናሰርሐቶ ትርከብ ተግባር ገሊፆም። ዋና ዳይሬክተር ፉኣት ካሳሚካን ብግዲኦም ክልቲአን ሃገራት ብሓባር ንምስራሕ ዘለወን ዕድላትን ኣድላይነትን ብምልዓል ኣብ ሜላ ብኽነት ምግቢ ምንካይ፣ ብቀዳማዊት እመቤት ቱርክ ብዝምራሕ ናይ ኢኒሼቲቭ "ዜሮ ርስሓት" ልምዳ ንምክፋል ሕጉስቲ ምዃና ገሊፆም። ኣብ መረዳእታን ስግግር ቴክኖሎጅን ህንፀት ዓቕሚ ቁፅፅር ከባብን ብሓባር ንምስራሕ ምስምዕምዐን መረዳእታ በዓልመዚ ሓለዋ ከባቢ ኢትዮጵያ የመላኽት።

ሰራሕተኛታት ቤት ፅሕፈት ቀዳማይ ሚኒስቴርን ተፀዋዕቲ ትካላትን ክረምታዊ ወለንታዊ ስራሕ ኣጀሚሮም ኣዲስ ኣበባ/ ሓምለ/18/ 2015 /ኢዜአ/ሰራሕተኛታት ቤት ፅሕፈት ቀዳማይ ሚኒስቴርን ተፀዋዕቲ ትካላትን ኣብ ከተማ ሸገር ክረምታዊ ወለንታዊ ስራሕ ኣጀሚሮም። ኣብቲ መርሃ ግብሪ ሕድሳት መንበሪ ኣባይቲ ዓቕሚ ዘይብሎምን ኣብያተ ትምህርቲን ከምኡውን ተኸላ ፈልሲ ከምዝካየድ ከምኡውን ተኸላ ፈልሲ ክሳለጥ እዩ ተባሂሉ ትፅቢት ይግበር ።