AADAM FAARAX OO KULAN WADA XAJOODA LA YEESHAY SAFIIRKA SHIINAHA U FADHIYA ITOOBIYA CHEN HAI

Addis Ababa,Gudba,Hidhaar,3,2019 (ENA ) – Madaxweyne-ku-xigeenka Xisbiga Barwaaqo, ahna Madaxa Xarunta dhexe ee Xisbiga, Aadam Faarax, ayaa kulan wadaxajooda la yeeshay Safiirka Shiinaha u fadhiya Itoobiya, Chen Hai.

 

Kulankooda wada xajoodka ayaa diiradda lagu saaray xiriirka labada dal iyo sidii loo xoojin lahaa iskaashiga iyo iskaashiga istaraatiijiyadeed ee ka dhexeeya Xisbiga Barwaaqo iyo Xisbiga Shuuciga ee Shiinaha.

 

Mudane Aadan Faarax ayaa munaasabaddaas ka sheegay in saaxiibtinimada muddada dheer jirtay iyo iskaashiga istiraatiijiyadeed ee u dhexeeya Itoobiya iyo Shiinaha ay yihiin aasaas adag oo lagu ballaarinayo wada-shaqeynta dhinacyada siyaasadda, dhaqaalaha, iyo horumarka."

 

Dhinaciisa, Safiir Chen Hai ayaa xaqiijiyey in dalkiisu taageerayo dadaallada Xisbiga Barwaaqo ee lagu xaqiijinayo barwaaqo loo dhan yahay, horumarinta qaranka iyo isbeddelka hay’adaha.

 

Labada dhinac waxay carrabka ku adkeeyeen muhiimadda ay leeyihiin heshiisyadii iskaashi ee ay wada saxiixdeen labada dal intii uu Ra’iisul Wasaare Abiy Axmed (Dr.) booqashada ku joogay dalka Shiinaha sanadkii 2023.

 

Waxa kale oo ay isweydaarsadeen aragtiyo ku saabsan dhinacyo cusub oo iskaashi, kuwaas oo gacan ka geysan kara dardargelinta isbeddelka dhaqaalaha, xasilloonida gobolka iyo xoojinta danaha wadajirka ah.

 

Xogtan oo ka helnay Xisbiga Barwaaqo ayaa xustay in labada dhinac ay muujiyeen sida ay uga go’an tahay sii xoojinta iskaashiga istaraatiijiyadeed ee labada dal.

 

#DalWeyn #SHACABBADAN #HIMILOFOG#