SHIRKA COP: MUHIIMADDA UU U LEEYAHAY ITOOBIYA IYO DOORKA UU KA QAADAN KARO KAHORTEGGA ISBEDDELKA CIMILADA

Isbeddelka cimiladu waa mid ka mid ah caqabadaha ugu waaweyn ee maanta wajahaya dunida, isaga oo saamayn ballaadhan ku yeeshay nolosha bulshada, dhaqaalaha, beeraha, xoolaha, biyaha iyo deegaanka. Abaaraha soo noqnoqda, fatahaadaha, kulaylka sii kordhaya iyo yaraanta kheyraadka dabiiciga ah ayaa muujinaya baahida loo qabo iskaashi caalami ah oo lagaga hortagayo dhibaatooyinkan.

 

Arrintan awgeed ayaa Qaramada Midoobay sannad kasta qabataa shirweynaha caalamiga ah ee isbeddelka cimilada, kaas oo loo yaqaan COP (Conference of the Parties). 

 

Shirkan ayaa isu keena hoggaamiyeyaasha dalalka, khubarada cimilada, hay'adaha caalamiga ah, maalgeliyeyaasha iyo ururrada bulshada si ay uga wada hadlaan xalalka lagu yarayn karo saamaynta isbeddelka cimilada.

 

In shirkan lagu qabto Itoobiya waxay dalka u tahay fursad weyn oo dhinacyada diblomaasiyadda, dhaqaalaha, deegaanka iyo horumarinta kaabayaashaba leh.

Waxyaabaha ugu waaweyn ee shirku diiradda saaro waxaa ka mid ah:

 

Yaraynta diqowga hawada, In la dhimo qiiqa ka dhasha shidaalka, warshadaha iyo hawlaha kale ee kordhiya kulaylka dunida.

 

La qabsiga isbeddelka cimilada, In dalalka la siiyo taageero ay kula tacaalaan abaaraha, fatahaadaha iyo dhibaatooyinka kale ee deegaanka.

 

Maalgelinta cimilada: In dalalka dhaqaalahoodu horumaray ay taageero dhaqaale siiyaan dalalka soo koraya si ay u hirgeliyaan mashaariicda deegaanka.

 

Tamarta nadiifta ah, In la dardargeliyo isticmaalka tamarta qorraxda, dabaysha, biyaha iyo ilaha kale ee tamarta la cusboonaysiin karo.

 

Ilaalinta deegaanka: In la dhowro kaymaha, dhirta, biyaha iyo noolaha kala duwan.

 

Sidaas darteed, COP ma aha oo keliya shir looga hadlayo deegaanka, balse waa madal lagu go'aamiyo jihada iskaashiga caalamiga ah ee mustaqbalka cimilada iyo horumarka waara

 

#cop32

#ena