Guddiga Wadatashiga Qaran ee Itoobiya ayaa maanta Golaha Wakiillada Shacabka iyo dowladaha federaalka iyo kuwa deegaanka u gudbiyay qodobbadii ajandayaasha iyo talooyinkii kasoo baxay Wadatashiga Qaranka.

Addis Ababa, Kodin 23/2019 – ENA: Munaasabad ay ka qeybgaleen Ra’iisul Wasaare Abiy Axmed iyo madax sare oo ka tirsan dowladda federaalka iyo dawlad deegaanka, ayaa Guddiga Wadatashiga Qaran si rasmi ah ugu wareejiyay Golaha Wakiillada Shacabka, dowladda federaalka iyo dowladaha deegaanka, qodobbadii ajandayaasha iyo talooyinkii kasoo baxay Wadatashiga Qaranka.

 

Wareejinta dukumentiyadan ayaa lagu sheegay inay muujinayso muhiimadda ay leedahay in caqabadihii qaran ee muddada dheer soo jiray ee Itoobiya lagu xalliyo wadatashi iyo hab nabadeed. Xafiiska Ra’iisul Wasaaraha ayaa sheegay in geeddi-socodka Wadatashiga Qaranka, oo dowladda “Medemer” u sameysay qaab sharci iyo hay’adeed, uu hadda galay marxalad muhiim ah.

 

Geeddi-socodkan wuxuu abuuray madal loo dhan yahay oo suuragelinaysa dood, is-afgarad iyo in la gaaro heshiisyo wadajir ah.

 

Afartii sano ee lasoo dhaafay, geeddi-socodku wuxuu sidoo kale fursad u siiyay Itoobiyaanka ku nool gudaha iyo dibadda dalka, iyo dadka asal ahaan Itoobiyaanka ah, inay ka qeybqaataan.

 

Ka-qeybgalayaashu, iyagoo sameeyay wadatashiyo ballaaran iyo iyada oo loo marayo shirkii Wadatashiga Qaranka ee la soo gabagabeeyay, waxay heleen fursad ay ku cabbiraan aragtidooda, ku dhageystaan fikrado kala duwan, isla markaana ku aqoonsadaan meelaha laga gaaray is-afgarad guud.

 

Xafiiska Ra’iisul Wasaaraha ayaa sheegay in si rasmi ah loo soo bandhigo natiijooyinkan ay tahay tallaabo weyn oo loogu gudbinayo marxaladda xigta fikradihii, aragtiyihii iyo talooyinka